Kopa Mundiál 2026, Senegal Manán Irake 5-0

Imajen/Esporte News Mundo

Díli, 27 Juñu 2026 (RAFA.TL)- Senegal susesu rekolla vitória fantastiku hasoru nia adversáriu Irake ho score  5-0 iha Jogu kontinuasaun grupu I  Kopa Mundiál 2026 ne’ebé hala’o iha Estádiu Toronto BMO Field, Sábadu (27/06/2026).

Vitória Senegal nian ne’e rekolla liu husi golu  jogadór  Pape Gueye, Habib Diarra, Ismaila Sarr, no Ilman Ndiaye.

Ekipa rua halo jogu ida atrativu iha minutu dahuluk jogu. Senegal hahú sira nia jogu ho briliante no kolleta kedas golu dahuluk liuhusi jogadór Habib Diara liu husi kabesada iha minutu haat hafoin simu bola kruza husi Abdoulaye Seck hodi lori Senegal lidera ho score 1-0.

Irake hetan sorti aat, liu deit minute 10, sira-nia jogadór Rebin Sulaka hetan kartaun mean hafoin halo monu iha grande área no obriga Irake tenke joga ho jogadór nain-10 halo Irake hetan difikuldade, maske nune’e sira konsege mantein kontra atake maka’ás husi Senegal to’o jogu primeira parte ramata score nafatin 1-0.

Kontinua ba segunda parte, Senegal kontinua hasa’e nia jogu ho intensidade aas no konsege marka tan golu ida iha minutu 56, liuhusi jogadór Ismaila Sarr hodi muda score ba 2-0.

Senegal kontinua domina jogu no aumenta tan golu ida iha minutu 59 liu husi jogadór Pepe Gueye hodi muda score ba 3-0.

Ekipa Irake tenta sai husi presaun no halo mós kontra atake, maibé kontinua falla, ho nune´e ekipa Senegal kontinua domina bola no marka tan golu ida iha minutui 71 liu husi jogadór Pepe Gueye hodi muda score ba 4-0.

Senegal kompleta nia festa golu ne’e ho vitória 5-0 liu husi golu ikus jogadór Ilman Ndiaye liuhusi nia suta maka’ás iha área penalidade adversáriu ne’ebé la konsege salva husi baliza adversáriu.

Ho vitória ne’ebé Senegal mantein iha pozisaun datoluk grupu I, no rekolla pontu tolu husi jogu tolu, no Irake mantein iha zona ikus tabela klasifikasaun no otomatikamente la kualifika ona ba faze eliminatoriu, enkuantu Senegal sei iha oportunidade liu husi Terseiru lugar diak liu maibé mos dep+ende ba ekipa seluk husi jogu sira antes no tuir mai.

 Jornalista: Marito da Costa/Editór: Vito Salvadór