Kopa Mundiál 2026, Maroko Kualifika Ba Faze Eliminatóriu Hafoin Halakon Haiti 4-2

Imajen/FIFA

Díli, 25 Juñu 2026 (RAFA.TL)- Jogu apuramentu grupu C, Kopa mundiál 2026, ne’ebe halao iha estádiu Atlanta, Kinta (25/06/2026), Maroko susesu kualifika ba faze eliminatóriu hafoin halakon nia adversáriu Haiti ho score 4-2.

Ekipa rua halo kedas jogu ida ho intensiadede as no lansa kontra atake ba malu hodi fó presaun no buka oportunidade atu marka golu hodi asegura billete ida ba faze elimatóriu nian.

Haiti ne’ebé iha ambisaun hakarak manán iha jogu ne’e halo jogu ida ho lais no sempre lansa kontra atake lais ba adversáriu.

Hiati lidera kedas hafoin baliza Maroko Bono halo auto golu iha minutu 10 hodi muda score ba 1-0.

Ho auto golu ne’e, Maroko tenta hadia no lansa kontra atake sira hodi fó presaun atu buka halo empata.

Tama ba minutu 39, Maroko liu husi Achraf Hakimi marka golu ida hodi muda score ba 1-1. Maibé,  Liu deit minutu haat Haiti responde kedas liu husi golu Wilson Isidor iha minutu 43 hodi lidera hikas ho score 2-1.

Tama ba tempu estra primeira parte nian, ekipa Maroko marka golu importante ida hodi muda score ba 2-2 liu husi jogadór Ismael Saibari iha minutu 45+1. To’o tempu intervallu ekipa rua mantein ho score 2-2.

Kontinua jogu segunda parte, Maroko hahú halo mudansa ba tátika no estratejia hodi hasa’e nia intensidade jogu no lansa kontra atake sira ne’ebé lais ba adversáriu Haiti hodi buka oportunidade ba vitória.

Tama ba minutu 78, Maroko aumenta tan sira nia golu ida liu husi jogadór Rahini hodi muda score ba 3-2.

Ho golu ne’ebé Haiti sofre ekipa ne’e tenta atu sai husi presaun no lansa mós kontra ataque, maibé sei falla no nafatin Maroko domina jogu hodi asegura vitória ne’ebé iha.

Iha  minutu 89, Maroko hametin sira nia vitóri aho golu dahaat liu hsi jogadór Yassine hodi muda score ba 4-2.

Golu ne’e mak termina ekipa rua nia jogu no Maroko rekolla pontu hitu no hamaluk Brazil iha grupu C kualifika ba faze eliminatóriu.

Jornalista: Marito da Costa/Editór: Vito Salvadór