Kopa Mundiál 2026, Maroko Halakon Eskósia 1-0

Ekipa selesaun Maroko susesu halakon nia adversáriu Eskósia iha jogu daruak grupu C Kopa Mundiál 2026 ho score 1-0. Imajen/AP

Díli, 20 Juñu 2026 (RAFA.TL)- Ekipa selesaun Maroko susesu halakon nia adversáriu Eskósia iha jogu daruak grupu C Kopa Mundiál 2026 ho score 1-0 liu husi golu uniku jogadór Ismael Saibari.

Jogu ekipa rua ne’ebé halao iha Estádiu Gillette, Foxborough, Sábadu (20/06/2026),  ekipa rua ho ambisaun forte atu konkista vitória hodi hetan oportunidade atu hakat ba faze eliminasaun. Jopgadór Maroko Ismael Saibari marka golu ba nia ekipa iha minutu rua hodi muda score ba 1-0.

Hafoin golu ne’e, Eskósia luta atu sai husi presaun no lansa kedas ameasa ida ba Maroko liu husi jogadór Scott McTominay, maibé la konsege tama iha kaixa penalidade iha tersu finál.

Maroko kuaze aumenta tan golu ida iha minutu 35, liu husi jogadór Bilal El Khannouss, iha pozisaun ne’ebé di’ak, la konsege dirije bola ba rede no ekipa rua mantein ho score ne’ebé iha too primeira parte termina.

Tama ba segunda parete ekipa rua mantein halo jogu ida agresivu no lansa kontra atake ba malu. Ekipa Maroko kuaze atu aumenta tan golu ida iha minutu dahuluk segunda parte, maibé Saibari nia suta ne’ebé maka blokeia kona trave.

Eskósia koko halo jogu diretu hodi fó presaun ba Maroko, maibé To’o iha minutu 75, sira nia esforsu sai saugati de’it. Eskósia hahú ameasa liután iha minutu ikus jogu nian. Maibé, jogu ne’e remata lahó golu, no Maroko kontinua lidera ho score 1-0 no ho vitori n’ee halo Maroko rekolla pontu haat husi jogu rua no Eskósia rekolla deit pontu tolu husi jogu tolu.

Asiste transmisaun direta kopa mundiál 2026 iha NTV/ETO-Telco no live streaming iha tv.timortelecom.tl

Jornalista: Davilio Valdemir/Editór: Vito Salvadór