Kopa Mundiál 2026, Ekipa Samba Empata ho Maroko 1-1

Vini Jr. jogadór di'ak husi selesaun brazileiru iha empata 1-1 ho Maroko Imajen/ AFP

Díli, 14 Juñu 2026 (RAFA.TL)- Ekipa Selesaun Brazíl (Samba) nia estreia iha Kopa Mundiál 2026 ho empata 1-1 hasoru Maroko iha MetLife Stadium, em East Rutherford, Nova Jérsia, Domingu (14/06/2026), iha jogu apuramntu grupu C.

Jogu ekipa rua ne’e ho intensidade as no durante primeira parte ekipa rua produz golu ho kualidade no segunda parte ekipa rua joga ho ekilibradu tátikamente, hodi lansa kontra atake ba malu.

Maroko hahú jogu ho di’ak no halo mós surpreza ba adversáriu, hodi lidera iha minutu 21 bainhira Ismael Saibari remata tranzisaun ofensivu lalais ida ho pontu ida ne’ebé maka’ás hasoru guarda-rede Alisson Becker, ne’ebé maka la iha pozisaun.

Movimentu ne’e orijin husi pasajen ida ne’ebé presiza husi Brahim Diaz, ne’ebé hetan Saibari iha pozisaun vantajozu hasoru guarda-rede husi Liverpool.

Hafoin liu tiha minutu 11, Brazíl responde kedas golu ida liu husi nia jogadór estrela Vinícius Júnior, ho golu ida ho kualidade individuál, avansadu Real Madrid nian simu pasajen ida hosi Bruno Guimarães, dribliza liu hosi nia markadór no suta maka’as ba iha kantu leten hosi baliza marrokinu nian. No too primeira parte termina ekipa rua mantein ho score 1-1.

Tama ba segunda parte, ekipa rua nia jogu mantein ho ritmu ne’ebé iha no halo substituisaun barak ba jogadór atu adpta mós ba klima no mós ritmu jogu hodi implementa tátiku no fíziku.

Ho jogu nia intensidade ne’ebé as halo jogadór ekipa rua sofre kartaun kinor nune’e treinadór rua deside halo substituisaun hodi jere tempu no asegura senáriu pior ba kartaun mean.

Carlo Ancelotti, iha nia estreia hanesan treinadór Brazil nian iha jogu ofisiál sira Mundiál nian, lori Fabinho no Danilo iha intervalu hodi jere kartaun mean sira Ibáñez no Casemiro nian.

Guarda-rede Alisson hetan bolu atu intervein iha momentu ikus sira, halo salvasaun duplu hodi evita Maroko atu hadau vitória iha momentu ikus sira.

Empata husik ekipa rua ho pontu ida ida-idak iha Grupu C, molok jogu grupu daruak nian entre Eskósia ho Haiti. Brazíl no Maroko konsidera hanesan favoritu prinsipál rua hodi hakat ba eliminatória iha grupu ne’e.

NTV/ETO Telco mak iha direitu ofisiál transmisaun ba Kopa Mundial 2026 iha Timor-Leste.

Jornalista: Davilio Valdamir/Editór: Vito Salvadór