Kopa Mundiál 2026, Alemaña Festa Golu Ba Adversáriu Curação ho Score 7-1

Ekipa Alemaña festa golu ba adversáriu Curaçao ho score fantastiku 7-1.

Díli 15 Juñu 2026 (RAFA.TL)- Ekipa nasionál Alemaña hahú sira-nia jogu dahuluk iha kopa Mundiál 2026 vitória ne´ebé hametin liutan sira nia esperansa ba mehi atu sai kampiaun Kopa Mundiál tinan ne´e hafoin halo festa golu ba adversáriu Curaçao ho score fantastiku 7-1.

Jogu grupu E, entre Alemanha no Curação ne´ebé halao iha estadion Houston, Segunda (15/06/2026), Alemaña marka golu tolu iha primeira parte liuhosi Felix Nmecha, Nico Schlotterbeck, no penalidade ida hosi Kai Havertz. No Golu haat tan iha segunda parte mai hosi Jamal Musiala, Nathaniel Brown, Deniz Undav, no Havertz nia golu ida. Curação halo empata liuhosi Livano Comenencia.

Alemaña jogu ho ritumu agresivu hahú hosi minutu dahuluk, hodi fó presaun ba defeza Curação nian. Sira hetan vantajen 1-0 iha minutu neen liuhosi Felix Nmecha, ne’ebé suta hosi liur área penalidade nian hafoin simu pasajen hosi Florian Wirtz.

Golu ida-ne’e alimenta Alemaña nia hakarak atu aumenta sira nia kontajen, maibé oportunidade oioin la hetan susesu. Curação koko atu naok oportunidade sira iha kontra-atake.

Sira nia esforsu fo rezultadu iha minutu 21 wainhira Bruno Locadia tama iha kaixa penalidade. Bola sai hosi nia ain, maibé Livano Comenencia suta lalais liu Manuel Neuer nia poste dook.

Alemaña besik atu marka golu iha minutu 27 se Nico Schlotterback nia kabesa la hetan involta hosi guarda-rede Curação Eloy Room.

Alemaña restaura nia vantajen iha minutu 38. Schlotterback dala ida-ne’e ho matenek dirije Nathaniel Brown nia kantu liu Room.

Alemaña hetan penalidade iha tempu lezaun nian bainhira Nmecha hetan hamonu hosi Leandro Bacuna iha kaixa. Kai Havertz, penalti-na’in, ho kalma manán Room, ne’ebé maka la’o tun iha flanku karuk. No Jogu primeira parte remata ho eskoru 3-1 ba Alemaña.

Minutu ida de’it iha segunda parte, Alemaña marka golu liuhosi Musiala. Musiala remata Kimmich nia bola ho suta ida ba poste dook hosi ângulu ne’ebé metin hodi halo 4-1.

Alemaña besik atu marka golu dalima se Sane la lakon oportunidade iha minutu 63. Ho de’it tempu ida-ba-ida ho guarda-rede, nia suta hetan salvasaun.

Alemaña marka golu da-lima iha minutu 68. Defeza-karuk Nathaniel Brown halo gol husi distánsia besik hafoin simu pasajen badak husi Deniz Undav.

Undav konsege hetan nia naran iha markadór no halo Alemaña manan 6-1 iha minutu 78. Alemaña penetra ho fasil defeza Curação nian molok Kimmich nia redusaun hasoru ho Undav nia suta hosi kaixa nia ninin.

Havertz! Avansadu Arsenal nian marka nia golu daruak iha jogu ne’e no halo Alemaña manan 7-1. Havertz simu bola liuhosi Undav nian no, maski hetan marka hosi mane ida, soe bola ba poste dook. No Eskore mantein hanesan ne’e to’o jogu remata.

Jornalista: Marito da Costa/Editór: Vito Salvadór