play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Kopa AFTL, Saralima F.C Halakon Fiel F.C ho Score 5-1

todayJune 2, 2026 23

Background
share close

Ekipa Saralima F.C.

Díli, 02 Juñu 2026 (RAFA.TL)- Saralima F.C susesu rekoilla pontu tolu hafoin halakon nia adversariu Fiel F.C ho score 5-1 iha jogu kontinuasaun Kopa Asosiasaun Futsal Timor Leste (AFTL) 2026 faze apuramntu grupu E.

Jogu ne´ebé hala’o iha kampu futsal Kuartel Jenerál FALINTIL-Forsa Defeza de Timor Leste (F-FDTL)  iha Díli, Segunda (01/06/2026), ekipa Saralima F.C ne’ebé tun ho ambisaun boot konsege domina liu bola hodi lansa atake no halo sutu direita ba rede Fiel F.C.

Tama ba iha minutu haat Kapitaun ekipa Saralima F.C, Bendito Ramos produs golu ida hodi lori nia ekipa lidera provizoriu ho score 1-0.

Ho golu kapitaun ekipa nia ne’e hasae liután Ritmu jogu ekipa Saralima F.C, ho nune’e, tama ba iha  minutu lima rede Fiel F.C nakdoko hikas liu hosi asaun Victor Mendonça hodi aumenta score ba 2-0.

Ho score refere obriga ekipa Fiel F.C, sai hosi zona hodi halo jogu ho ofensivu no tenta atu bele produs golu, maibé tama ba iha minutu 18, Victor Mendonça marka tan golu ida hodi haboot liután score ba 3-0.

Kontinua ba jogu segunda parte tensaun jogu iha kampu laran  manas liután.  Ekipa rua halo lansa kontra atake ba malu. Nune’e,  tama ba iha minutu 32 Fiel F.C konsege responde golu ida hodi hamihis score ba 1-3 liu hosi jogadór Fernando Amaral.

Ho golu ne’e halo ekipa Fiel F.C jogu ho ofensivu liu hodi lansa atake maka’ás ba Saralima F.C. Tama ba iha minutu 38, Saralima F.C konsege sai hosi presaun Fiel F.C nian hodi halo kontra atake ne’ebé lais hodi produs tan golu ida hodi muda score ba 4-1.

Liu deit minutu ida antes atu termina jogu ekipa Saralima F.C marka tan golu ida liu hosi jogadór Julião Ximenes hodi haboot score ba 5-1 to’o termina jogu segunda parte vitória ba Saralima F.C.

Hosi rezulatadu ne’e lori ekipa Saralima F.C ukun provizoriu tabela klasifikasaun grupu E ho pontus 4 hosi jogu dala Rua.

Ekipa Fiel F.C iha pozisaun ikus liu ho pontu 0, no laiha ona oportundade atu hakat ba iha faze eliminasaun maske se’i iha oportundade jogu ida.

Ekipa sira iha grupu E  Kopa AFTL 2026 kompostu hosi ekipa tolu hanesan Saralima F.C, Ramelau F.C no Fiel F.C.

Jornalista: Davilio Valdamir/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!