play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Kolómbia Hakat Ba Faze Eliminasaun Hafoin Manán RD Kongo 1-0

todayJune 24, 2026 12

Background
share close

Daniel Muñoz marka golu bainhira Kolómbia manán Kongo ho 1-0 no asegura kualifikasaun ba faze eliminatória Kopa Mundiál 2026.

Díli, 24 Juñu 2026 (RAFA.TL)- Selesaun kolombiana asegura billete ida ba faze elimiatóriu hafoin rekolla vitória iha jogu daruak hasoru Repúblika Demokrátika Kongo ho score 1-0 iha jogu kontinuasaun Kopa Mundiál 2026.

Jogu ne’ebé hala’o iha Estádiu Atlanta, Kuarta (24/06/2026), ekipa r Kolómbia no RD Kongo halo jogu ida ho intensidade as no mantein lansa kontra atake ba malu, maibé RD Kongo halo jogu ida ho liña defeza metin hodi asegura ekipa husi derrota.

Kolombia ne’ebé rekolla ona pontu tolu iha jogu antes ne’e, halo jogu ida ho dominante iha liña klaran no halo atake ba adversáriu, maibé ekipa RD Kongo mantein disiplina hodi asegura nia rede busi ameasa sira.

Maski ho presaun beibeik hosi Kolómbia, RD Kongo hatudu defeza ne’ebé metin. Husi suta 14 Kolómbia nian, neen de’it maka to’o kona alvu. Kongo, iha de’it suta rua iha primeira parte, ne’ebé laiha ida maka tuir alvu.

Kongo iha oportunidade osan-mean iha minutu 44 hosi kantu, maibé, Arthur Masuaku nia pasajen ne’ebé perfeitu la konverte hosi Cedric Bakambu halo golu no bola liu deit husi poste.

Tama ba segunda parte, Kolómbia aumenta tan suta rua ba alvu liuhosi ameasa sira hosi Luis Diaz no Jhon Arias, maibé seidauk bele marka golu.

Ekipa rua mantein ho disiplina hodi asegura ida-idak nia rede husi ameasa sira.

Kolómbia ikus mai marka golu iha minutu 76 liu husi jogadór Daniel Munoz hafoin simu bola husi Juan Quintero hodi muda score ba 1-0.

Kolómbia marka fali golu iha minutu tolu liutiha liuhosi Luis Diaz, maibé, golu ne’e la permite hafoin árbitru konsidera katak akontese falta ida.

Liu tiha minutu ida, Diaz hetan fali oportunidade  infelizmente golu ida-ne’e la permite fali hosi árbitru tanba Diaz iha offside.

Kongo ameasa ho suta dook liuhosi Nathanael Mbuku, maibé guarda-rede kolombianu Camilo Vargas konsege salva iha minutu 90+1.

Ho vitória ne´e,  Kolómbia lidera grupu K ho pontu neen, hodi asegura sira nia fatin iha faze 32, Entretantu, Kongo iha terseiru lugar ho pontu ida.

Jornalista: David Gonçalves/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!