Klubu Academi Baucau All Star Kontinua Promové Jogadór iha Sentru Futsal Juvénil

Klubu Academi Baucau All Star fasilita trainamentu ba ki'ik-oan sira atu bele hetan futuru jogadór di'ak.

Díli, 02 Setembru 2026 (RAFA-TL) – Atu identifika  fini foun  jogadór sira,  Klubu Academi Baucau All Star kontinua promové atividade Grassroot  liuhosi sentru futsal juvénil.

Dadaun ne’e númeru jogadór  iha sentru Academi Futsal Juvenil  Baucau, hamutuk na’in -52 envolve husi Sub-10, Sub-12 , no Sub 14. Nune’e,  Sentru futsal juvénil iha kompromisu bo’ot hakarak introduz sentru futsal juvenil iha Munisípiu Díli.

Prezidente Interinu klubu Sentru Academi Baucau All Star, Balbino Martins  ba RAFA, Tersa-ne’e,  hateten sira-nia parte hakarak hola inisiativa partisipa iha sentru  academi futsal juvénil ne’e. Tanba, haré estrutura atuál Asosiasaun Futsal Timor-Leste  (AFTL) nian ho  vizaun hakarak halo dezenvolvimentu grassroot liu-liu iha academi futsal.

Nia mós haktuir hanesan tinan kotuk bainihra  sira halo eleisaun fila-fali ba estrutura foun ba AFTL  nian, Prezidente eleitu foun ninia mai ho vizaun kedas nia hakarak halo investimentu iha grassroot liu-liu academia military. Entaun, hanesan klubu ne’ebe partisipa nudar mós fundadór ba iha liga Futsal Timor-Leste hakarak mos  hari academia  futsal ida ne’e.

“Ami nia vizaun hakarak investe iha   grassroot tanba ne’e mak iha Baucau harii ami nia academia  futsal ne’e seidauk treinu kleur,”  Balbino Martins subliña.

Nia dehan  objetivu primeiru sira mai partisipa atividade jogu kompetisaun Sentru Academi Futsal Juvénil hakarak mai introduz ba iha kapital dili katak sira iha Baucau iha  ona akademi .

Segundu sira hakarak kampu ne’ebe agora dadauk ,istorikamente kampu ne’ebe agora dadauk B.A.S uza ba kampu iha  istoria . Tanba, kampu iha eskola bázika São Domingos Xavio, kampu ne’eba produs jogadór lendáriu barak.

Interinu klubu sentru futsal juvenil ne’e hatutan  ho inisiativa ne’ebé mak husi parte AFTL organiza no atualmente sira seidauk iha rekomensaun ruma, maibé sira nafatin apresia ho lideransa AFTL ninia vizaun.

Lideransa klubu  sentru academi ne’e Garante ba futuru sei lori sentru academi  Baucau All Star sei sai fatin sentru alternativu ba  talentu jerasaun foun ba munisipiu Baucau oan sira.

Nia iha  esperansa ba oin academia B.A.S mak sei sai  sentru alternativu ba talentu ba  jerasaun foun Baucau oan sira priemeiru no  segundu. Tanba ne’e  sei eforsu maka’ás para bele produz jogadór ne’ebé di’ak no  sei reprezenta selesaun nasionál ba kompete iha eventu importante sira ho total alin kik oan sira ho 52 pessoa, 20 sub-10 , sub-12   no sub-14.

Jornalista: David Gonçalves