Kampiaun Liga Futsal 2025, Ramelau F.C Elemina husi Kopa AFTL 2026

Jogadór Ramelau F.C tenta hadau bola husi jogadór Fiel F.C. Imajen/AFTL

Díli, 06 Juñu 2026 (RAFA.TL)– Kampeaun Liga Futsal Timor-Leste époka 2025 Ramelau F.C, elimina hosi Kopa Asosiasaun Futsal Timor Leste (AFTL) 2026 iha faze apuramntu grupu E maske manan Fiel F.C iha jogu ikus ho score 4-1.

Jogu entre ekipa Ramelau F.C no Fiel F.C ne’ebé hala’o iha kampu futsal FALINTIL-Forsa Defeza de Timor Leste (F-FDTL), Díli, Sesta (05/06/2026), parte hahú jogu ho ambisaun boot hodi buka oportundade atu produs golu, maibé  iha minutu ida Francisco dos Reis susesu lori ekipa Ramelau F.C lidera ho score 1-0.

Ho golu sedu hosi ekipa Ramelau F.C nian ne’e obriga ekipa Fiel F.C hametin liután liña defeza no buka hodi aproveita oportundade kontra atake, maibé ekipa Ramelau F.C ne’ebé kontinua domina liu bola konsege marka tan golu tolu tui-tuir malu liu hosi Marco Freitas iha minutu 16, 18 no Canizo Henriques iha minutu 17 hodi taka jogu Primera parte ho score 4-0.

Kontinua ba jogu Segunda parte, Ramelau F.C mantein atake ho agresivu hodi buka oportundade atu bele aumenta golu, maibé tama ba iha minutu 28 Fiel F.C konsege responde golu ida hodi hamihis score sai 4-1 liu hosi asaun Donaldo Mateus hafoin aproveita oportundade kontra atake lais.

Ho score refere jogu kontinua manas liután ba ekipa rua ne’e hodi lansa kontra atake ba malu, maibé to’o termina jogu Segunda parte score 4-1.

Ho rezulatadu vitória 4-1, referidu la salva ekipa kampeaun Liga Futsal époka 2021 no Kampeaun Liga Futsal Timor Leste époka 2025, nune’e elimina iha faze apuramntu grupu, maske pontus hanesan, maibé Saralima F.C liu ho produtividade golu nune’e Saralima F.C mak hakat ba Quartu Finais Kopa AFTL 2026.

Vitória moruk ba Ramelau F.C ne’e hafoin lakon ho produtividade golu ho Saralima F.C iha grupu E, iha ne’ebé ekipa rua kolekta pontu haat hanesan, maibé Saralima F.C mak iha direitu hakat ba faze eliminasaun quarto finais hafoin iha jogu antes manan adversároiu Fiel F.C ho score 5-1.

Grupu E kompostu hosi ekipa Saralima F.C, Ramelau F.C no mós Fitun Estudante Lorosae ka Fiel F.C.

Jornalista: Davilio Valdamir/Editór: Vito Salvadór