Ouvir RAFA Ritmo, Voz e Coração de Timor
Díli 07 Novemberu 2026 (RAFA)- Kablaki BS susesu konkista títulu kampeaun Liga Futsal Timor-Leste (LFTL), Segunda Divizaun époka 2026, hafoin halakon nia adversáriu Loriku F.C iha final ho score 5-3.
Jogu ne’ebé hala’o iha kampu Futsal F-FDTL iha Fatuhada, Díli, Sesta-ne’e, inisiu jogu kedas, ekipa rua hala’o jogu ne’ebé kompetetivu hodi atrai tebes adeptus futsal mania sira ne’ebé asiste direta jogu refere.
Mézmu nune’e, Loriko F.C ne’ebé mak domina liu bola konsege produs uluk golu ida liu husi jogador Luis Figo hodi lori nia ekipa lidera ho score 1-0.
Ho score refere provoka situasaun jogu manas liután. Ekipa rua lansa kontra atake ba malu. Nune’e, tama ba iha minutu 12, Kablaki BS konsege responde golu Ida hodi halo balansu ba rezultadu sai 1-1 liu husi jogador Ronaldinho dos Santos. Score refere mantein to’o termina jogu primeira parte.
Tama ba iha segunda parte jogu, foin hala’o minutu haat Luis Fego marka tan nia naran hodi lori nia ekipa lidera ho score 2-1.
Ekipa Kablaki BS ne’ebé mak domina liu jogu konsege domina bola no susesu. Ho nune’e, sira marka tan golu haat tuituir malu liu husi jogador Ido Olin iha minutu 31, Zubandy iha minutu iha 33, Moreno Tafuliu iha minutu 36 ho Daniel Dapahunga iha minutu 38 hodi taka jogu ho vitória 5-3.
Jornalista: Davilio Valdamir/Nelson Dias
Written by: RafaFM
Kablaki BS Kampeaun LFTL Segunda Divizaun Époka 2026
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt