Kablaki BS F.C Manán Becussi United F.C 2-0

Ekipa Kablaki F.C

Díli, 15 Outubru 2026 (RAFA)-Ekipa Kablaki BS F.C konsege rekolla vitória ho rezultadu jogu 2-0 hasoru nia adversáriu Becussi United F.C.

Jogu kontinuasaun liga futsal  Timor-Leste segunda divisaun ne’ebé hala’o iha kampu futsal Kuartel Jenerál F-FDTL, Díli, Tersa foin lalais-ne’e, ekipa rua tun kedas ho estratejia jogu diferente  hadi halo kontra no atake  malu atu buka oportunidade marka golu. Maibé, difisil tebes tanba defeza husi ekipa rua nian solidu hodi salva bola ne’ebé sutu husi jogadór sira.

Ekipa Becussi United  F.C tenta halo jogu ho intensidade a’as hodi aproveita tempu buka oportunidade atu produs golu, mas la konsege tanba jogadór sira ladún kontrola bola ho di’ak no ekipa rua mantein ho balansu ne´e to’o jogu primeira parte termina.

Hakat ba segunda parte, tensi jogu komesa manas liután. Ekipa rua lansa kontra no atake ba malu.

Tama ba minutu 32, atake ida husi ekipa Kablaki BS F.C halo bola barullu iha liña defeza ikus mai jogadór Kablaki BS F.C. Ronaldinho  dos Santos konsege produs  golu  ida hodi  halo score ba 1-0.

Husi golu ne’e obriga mós ekipa Becussi United F.C. muda tátika jogu  atu bele marka golu, maibé la konsege nune’e ekipa Kablaki BS/F. C hasa’e liután sira nia  ritmu jogu, nune’e  tama ba minutu 37 jogadór Flaviano Alves kontribui  tan golu ida hodi halo score ba 2-0 to’o jogu remata no vitória ba Kablaki /BS F.C.

Jornalista : David Gonçalves/Domingos Bere