play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Jullu, AFTL Hahú Kompetisaun Regular Liga Époka 2026

todayJune 10, 2026 31 20

Background
share close

Prezidente Asosiasaun Futsal Timor-Leste, Antoninho Junior Guterres.

Díli, 10 Juñu 2026 (RAFA.TL)- Asosiasaun Futsal Timor-Leste (AFTL) iha ona planu ba realizasaun atividade kompetisaun regular ba liga époka 2026 ne’ebé atu hahú iha fulan-Jullu, tinan ne´e.

Prezidente Asosiasaun Futsal Timor-Leste, Antoninho Junior Guterres, ba Rafa.tl iha kampu futsal  F-FDTL iha Díli, Tersa (09/06/2026) hateten, tempu besik Asosiasaun Futsal Timor-Leste sei kria fali enkontru ida ho parte komisaun oganizadór sira, nune’e bele halo diskusaun kle’an liu tan molok organiza liga futsal.

“Semana oin,  kria enkontru ida entre komisaun para ami halo preparasaun ba liga, ami nia kompromete katak fulan-Jullu ne’e tenki realiza,” Prezidente Asosiasaun  Futsal Timor-Leste, Antoninho Junior Guterres hateten.

Dadaun ne’e klubu Futsal ne’ebé rejistradu hamutuk 24 mak ativu hela, no iha deit  klubu 23 mak partisipa iha atividade jogu Futsal no la inklui klubu Samoro F.C tanba iha problema interna.

“Sira promete katak liga sira sei partisipa depois ita haré, se Liga sira la partisipa sira tenke fó razaun ida forte, depois asosiasaun sei tetu ida ne’e,” Prezidente AFTL ne’e tenik.

Kona-bá programa ne’ebé Asosiasaun Futsal Timor-Leste, tau prioridade durante mandatu 2026-2030, kontinua halo koordenasaun ida di’ak ho parte Federasaun Futébol Timor -Leste nune’e bele dezenvolve di’ak liután Futsal, liu-liu iha nivél grassroot no juvenil iha Timo-Leste.

Jornalista: David Gonçalves/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!