Ouvir RAFA Ritmo, Voz e Coração de Timor
Díli, 16 Novembru 2026 (RAFA) – Jogador Mauputar F.C, Joy Lionokas, lidera lista mellor markador provizóriu Liga Futsal Timor-Leste, ho kolesaun golu 21 to’o jornada da-sia.
Kolesaun golu 21 ne’e, jogador ho nasionalidade Indonézia ne’e konsege marka durante jogu sia ne’ebé nia disputa hamutuk ho Mauputar F.C, hatudu nia konsisténsia no kapasidade atu kontribui ba ekipa.
Joy Lionokas marka golu rua hasoru B’TAL F.C, golu tolu hasoru Crazy Horse, golu haat hasoru Kuda Ulun F.C, golu neen hasoru São Francisco Xavier (SFX), golu ida hasoru AD Bas, golu rua hasoru Estrela Baguia no, ikus liu, marka tan golu tolu hasoru AS Jerman iha jornada da-9 ne’ebé realiza iha loron 14 sabadu foin lalais ne’e.
Iha pozisaun daruak, iha Ruben Faria, jogador Estrela Baguia F.C, ho koleksaun golu 11.
Pozisaun datoluk, okupa husi jogadór tolu ne’ebé fahe pozisaun hanesan, kada ida ho koleksaun golu 10, mak Deston Betty husi Mauputar F.C, Nildo Tores husi Caesar Dante F.C no Hilario Ximenes husi Coelho F.C.
Tuirmai, Grovanio Manggut husi B’TAL F.C okupa pozisaun da-haat ho golu 9. Enkuantu Syafry, ne’ebé reprezenta mós B’TAL F.C, no Roland Howay husi São Francisco Xavier, halibur golu hanesan 8.
Lista mellor markador provizóriu ne’e sei kontinua muda tuir rezultadu no dezenvolvimentu kompetisaun Liga Futsal Timor-Leste iha jornada sira tuirmai.
Jornalista: Davilio Valdamir
Written by: RafaFM
Joy Lionokas Lidera Mellor Markador Provizóriu Liga Futsal Timor-Leste ho Golu 21
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt