Jornada Dahuluk LFTL, F.C Coelho Halakon São Francisco Xavier 5-1

F.C Coelho vs São Francisco Xavier iha Liga Futsal Timor-Leste, Tersa-kalan, 16 Setembru 2026.

Díli, 16 Setembru 2026 (RAFA)- F.C Coelho hahú nia jornada dahuluk Liga Futsal Timor-Leste (LFTL) ho vitória ne´ebé fantastiku hafoin halakon nia adversáriu São Francisco Xavier (SFX) ho score 5-1.

Jogu ekipa rua ne´ebé hala´o iha Kampu Futsal FALINTIL-Forsa Defeza Timor-Leste (F-FDTL), Fatuhada, Dili, Tersa-ne´e, desde inisiu jogu ekipa F.C Coelho ne’ebé hala’o jogu ofensivu no domina liu bola konsege lansa atake ho bola vantajen ida liuhusi auto-golu Androaldo Martins iha minutu ualu, no jogadór F.C Coelho Aristides Pires aumenta score ba 2-0 iha minutu 16, no rezultadu ne’e nafatin to’o primeira parte termina.

Tama ba jogu segunda parte, jogadór F.C Coelho Aristides Pires marka tan golu husi ida hodi muda score ba 3-0. São Francisco Xavier konsege responde liuhusi Androaldo Martins, hodi hamihis score ba 3-1.

Ekipa rua ida-idak ho ritmu ne´ebé iha no São Francisco Xavier ne´ebé buka atu halo empata no hadau vitóri iha jogu ne’e halo jogu ida ofensivu, maibé, F.C Coelho kontinua domina liután jogu no Hilário Ximenes marka tan golu rua tuir malu iha minutu 37 no 38, hodi lolri vitóri ba ekipa F.C Coelho ho score fantastiku 5-1.

Vitóri ne’e lori F.C Coelho hetan pontus tolu husi jogu ida no lidera provizoriamente tabela klasifikasaun maske pontus hanesan Mauputar F.C, tamba Coelho F.C iha produtividade golu ne’ebé di’ak liu.

Jornalista: Davilio Valdamir/ Fidelino Araújo