Jonathan David Marka Hattrick, Kanadá Festa Golu Kontra Qatar

Jonathan David marka nia hattrick iha Tasa Mundiál 2026 nian. Imajen/FIFA

Díli, 19 Juñu 2026 (RAFA.TL)- Selesaun Kanadá halo istória iha jogu preliminár Grupu B Kopa Mundiál 2026 nian, hafoin jogadór Jonathan David Marka hattrick no festa golu hafoin manan ania dversáriu Qatar ho score 6-0.

Joga iha Estádiu BC Place iha Vancouver, Kanadá, Sesta (19/06/2026), selesaun nasionál Kanadá marka istória  no hatudu ba publiku liu-liu amante hadomi futebol kanadianu sira katak ida ne´e mak orgullu ne’ebé merese ho apoiu husi adeptu sira-nia iha uma rasik.

Kanadá fó kedas presaun hosi inísiu, agresivu no ne’e halo konfrontu ida iha baliza Qatar nia oin, ne’ebé Cyle Larin aproveita hodi fó marka kedas golu no muda score ba 1-0 iha minutu 16.

Ekipa uma nain nia dominasaun sai imparavel,  bola rebote ida hosi Jacob Shaffelburg nia suta, Jonathan David lansa volei ida ne’ebé direitamente tama ba rede adversáriu hodi muda score 2-0 iha minutu 29.

Iha minutu 33, Qatar sofre kartaun mean ida hafoin nia jogadór defeza Homam Ahmed hetan kartaun mean diretu hosi árbitru Cristian Garay hafoin revizaun VAR nian konfirma katak nia halo falta hasoru jogadór Tajon Buchanan durante kontra-atake lalais ida.

Iha minutu 45+3, Jonathan David marka nia golu daruak antes intervalu hodi muda score ba 3-0 no termina primeira parte ho vitória.

Kontinua ba segunda parte, Qatar sofre kartaun mean daruak, Jogadór Qatari nian Assim Madibo hetan expulsaun tanba falta maka’as tebes hasoru jogadór kanadianu Ismaël Koné. Akontesimentu ne’e hamosu hirus entre jogadór sira, liuliu tanba Koné hetan kanek todan iha ain no tenke hasai hosi kampu.

Ho vantajen numérika signifikativu na´in-11 hasoru  na´in-9, suplente Nathan Saliba aumenta tan golu ba Qatar iha minutu 64. Presaun ne’ebé maka la para hosi sorin-sorin obriga jogadór Qatari Mohamed Al-Mannai hatama auto-golu, hodi halo 5-0.

Iha tempu estra segunda parte jogu atu termina, Jonathan David kompleta nia dezempeñu impresionante hodi marka nia golu datoluk (hat-trick), hodi taka Kanadá nia derrota 6-0.

Vitória ida-ne’e fó ba Kanadá pontu haat hosi jogu rua iha Grupu B no tau sira iha pozisaun ida ne’ebé konfortavel hodi asegura billete ida ba faze eliminatória.

Jornalista: Marito da Costa/Editór: Vito Salvadór