Desporto

Jolitomi Halakon Matebian Baguia ho Score 3-0 iha Liga Voleibol Timor-Leste

todayOctober 30, 2026 30

Background
share close

Díli, 30 Outubru 2026 (RAFA)–Ekipa voleibol mane Jolitomi konkista rezultadu pozitivu iha kompetisaun Liga Voleibol Timor-Leste Primeira Divizaun Époka 2026 hafoin halakon Matebian Baguia ho rezultadu set 3-0, iha jogu  ne’ebé hala’o iha Jináziu Desportu Díli, Kinta-ne’e.

Iha jogu ne’e, Jolitomi hatudu dominasaun no desempeñu konsistente durante jogu, no konsege manan set dahuluk ho rezultadu 25-15.

Kontinua manan set daruak ho pontu 25-19, no taka ho vitoria iha set datoluk  rezultadu 25-16.

Jogu set dahuluk, ekipa Jolitomi ne’ebé haforsa ho jogadór estranjeiru na’in-rua; Farel Nasution no Dzaki Rahmat, hatudu dominasaun no superioridade iha jogu hasoru nia adversáriu, Matebian Baguia.

Liuhusi servisu ekipa ne’ebé di’ak, atake ne’ebé efetivu no defeza ne’ebé organizadu, Jolitomi konsege kontrola ritmu jogu no hamosu difikuldade ba Matebian Baguia atu dezenvolve nia estratéjia. Dominasaun ne’e permite Jolitomi manan set dahuluk ho rezultadu klaru 25-15.

Hakat ba set daruak, Jolitomi kontinua hatudu konsisténsia no dominasaun iha jogu, liuhusi kombinasaun atake ne’ebé efetivu, smes ho kualidade no kontrolu bola ne’ebé di’ak.

Maski Matebian Baguia buka atu hasa’e nia rezisténsia no halo esforsu atu hamenus diferensa pontu, Jolitomi kontinua mantein ritmu jogu no vantajen iha pontu. Ho estratéjia ne’ebé organizadu no koordenasaun di’ak entre jogadór sira, Jolitomi konsege manan set daruak ho rezultadu 25-19, hodi aumenta nia vantajen ba set da-ruak ho score 2-0.

Iha set ikus, ekipa Matebian Baguia halo esforsu maka’as no iha ambisaun hakarak manan.  Ekipa ne’e mós hatudu rezisténsia liuhusi tentativa smes no organizasaun defeza atu tahan atake husi Jolitomi. Maibé, Jolitomi ne’ebé iha konsisténsia no koordenasaun di’ak entre jogadór sira, konsege kontrola situasaun iha kuadru jogu no mantein nia dominasaun to’o remata set datoluk ho rezultadu 25-16.

Rezultadu ne’e konfirma Jolitomi nia vitória ho set 3-0, iha nia esforsu atu kontinua kompete iha Liga Voleibol Timor-Leste Primeira Divizaun Époka 2026.

Jornalista: Marito da Costa/Davilio Valdamir

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!