play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Jogu Online, PNTL Sei Investiga Mós Operadór Telkomcel ho Telemor

todayOctober 10, 2025 147 4

Background
share close

Sim card operadór telekomunikasaun Telemor ho Telkomcel ne'ebé Polísia halo apreensaun husi atividade jogu online ilegál. Imajen/Rafa.tl

DILI, RAFA.tl– Polísia Nasionál Timor-Leste (PNTL) liuhosi Diresaun Servisu Investigasaun Kriminál  (DSIK) sei bolu operadór telekomunikasaun Telkomcel ho Telemor tanba iha evidénsia hatudu operadór jogu online illegal sira ne’ebé eziste iha Timor-Leste utiliza sim card husi operadór rua ne’e nian hodi halo sira nia nia atividade.

Notísia Relevante: PNTL Halo Buska no Apreensaun Ba Operadór Jogu Online Rua iha Dili no Detein Sidadaun Estranjeiru na’in-10

Sidadaun estranjeiru sira ne’ebé polísia detein tanba envolve iha jogu online. Imajen/Rafa.tl

Portavós PNTL Superintendente Polísia João Belo dos Reis, Sesta (10/10/2025), ba jornalista sira iha Kuartél Jerál PNTL informa, iha buska no apreensaun ba operadór jogu online ne’ebé eziste ilegál iha Zita Plaza ho iha área Colmera,  konsege identifika prova balun hanesan sim card operadór telekomunikasaun Telemor ho Telkomcel ne’ebé lubun ida. Nune’e, PNTL sei bolu Telemor ho Telkomcel, atu klarifika.

“PNTL sei bolu Telkomcel ho Telemor, tanba saida maka prodús sim card barak hanesan ne’e, ami sei bolu hotu halo investigasaun,” Superintendente Polísia João Belo dos Reis hateten.

Autoridade seguransa ne’e husu komunidade sira iha fatin ne’ebé de’it,  atu halo kooperasaun ho autoridade seguransa sira bainhira hetan tipu jogu online hodi bele kontaktu seguransa atu bele halo atuasaun.

Iha prosesu identifikasaun ne’e, sidadaun estranjeirus na’in-10 halo ona prosesu hodi detein iha Kuartél  Jerál PNTL, maibé traballador Timoroan kuaze na’in-40, foti ona sira-nia identidade no haruka sira fila ba sira-nia uma.

Polísia rekolla evidénsia sira husi operadór jogu online  iha Zita Plaza hanesan telefone Realmi no Xiomi hamutuk 68, sim card Telemor 521, ho Telkomcel 375. Lap-Top 5, dokumentu sira, no evidénsia sira seluk,

Evidénsia sira ne’ebé  Polísia halo apreensaun iha jogu online ida iha área  Colmera  sei iha prosesu laran no seidauk bele hatene nia montante.

Reportajen ekipa Rafa.tl

 

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!