Desporto

Hibers Díli F.C Kompromete Halo Surpreza iha Liga Timorense Époka 2026-2027

todayNovember 9, 2026 21

Background
share close

Díli, 9 Novembru 2026 (RAFA)-Ekipa Hibers Díli F.C garante ho sira nia jogador foun sira ho alvu hakarak hatudu rezultadu di’ak no garante sei halo surpreza ba nia adversariu sira iha jogu Liga Timorense époka ne’e.

“Hakarak hetan rezultadu ne’ebé mak di’ak, mai husi sakrifísiu ne’ebé treinu di’ak, disiplina, tátika ne’ebé di’ak husi treinador sira, ne’e mak foin hetan rezultadu di’ak,” hatete Asistente treinadór Eusébio Herménio Correia de Almeida ba RAFA iha Kampu Federasaun Futeból Timor-Leste, foin lalais ne’e.

Nia hatutan Hibers iha alvu ne’ebé hakarak hatudu supreza ba iha ekipa seluk iha tinan ne’e. Tanba, liga epoka ne’e, klubu konsege aumenta nia kualidade liuhosi rekrutamentu jogadór foun ho esperiénsia no kapasidade ne’ebé di’ak.

“Ami hetan reforsu barak husi jogador sira ne’ebé mai ho esperiénsia, balu ne’ebé ativu iha selesaun, tantu lokal, ami mós iha planu sei buka jogador husi Indonézia  ne’ebé mai ho kualidade ho jogador lokal kuaze 10 resin ne’ebe mai reforsu Hibers, tinan ida-ne’e”, Eusébio hateten.

Jogadór foun sira ne’ebé sei reforsa Hibers Díli F.C inklui Mario Donasio Dias Quintão, eis-jogadór Emanuel F.C; Angenku Vegas, ne’ebé antes reprezenta Karketu Dili F.C; Paul Godinho Gusmão (Pauleta), eis-jogadór Santa Cruz F.C; Arcelio Nobelito da Silva, eis-jogadór Karketu Dili F.C; Jardiel Piadade, eis-jogadór Portu Taibesse; Juvêncio no Carol, ne’ebé antes reprezenta Portu Taibesse; Natalino de Jesus da Costa, eis-jogadór Karketu Dili F.C; Amâncio Soares Araújo; jogadór na’in rua husi Coração F.C; no guarda-redes ida, inklui mós jogadór jovem husi Selesaun Nasionál Timor-Leste Sub-19.

Atu asegura preparasaun ba kompetisaun, Hibers Dili F.C hala’o ona treinamentu durante fulan ida liubá, inklui jogu amistozu (try-out) kontra ekipa seluk.

Preparasaun hirak-ne’e iha objetivu atu avalia abilidade, kualidade no kapasidade jogadór sira, antes tama kompetisaun Liga Timorense époka 2026/2027.

Jornalista: Marito da Costa

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!