Halakon Kuda Ulun F.C 3-6, Maudoco F.C Rekolla Pontu Neen

Maudoco F.C

Díli, 26 Setembru 2026 (RAFA)- Ekipa Maudoco F.C  halakon  nia adversáriu Kuda   Ulun  F.C  ho score  3-6, iha jogu kontinuasaun Liga Futsal, Sesta-ne’e.

Ho rejultadu ne’e lori  vitória ba  Maudoco F.C  hodi rekolla pontu neen husi jogu tolu; manan rua  no lakon ida.

Jogu entre ekipa Maudoco F.C  ho Kuda Ulun FC  ne’ebé hala’o iha Kampu Futsal F-FDTL, Díli, ekipa rua e  hala’o jogu ho kuidadu hodi lansa kontra atake ba malu no hetan suporta másimu  husi adeptu sira.

Tama ba iha minutu tolu, Maudoco F.C konsege lidera uluk hafo’in jogador Dewa Henuk susesu marka golu ida hodi lori nia ekipa lidera  1-0.

Ho score refere tensi jogu komesa manas liután ba ekipa rua hodi lansa kontra atake ba malu. Maudoco F.C halo bola barullu iha liña defeza, nune’e arbitu fó oportunidade ba Kuda Ulun F.C  konsege marka kedas golu ida husi asaun  sutu penalidade  iha minutu 16  hodi muda kuadru score sai ba 1-1 liuhosi jogador Septiadi Ignasius Latuna.

Score 1-1 ne’e  lori ekipa rua ho ambisaun  bo’ot  buka oportunidade no tenta halo tan golu ruma. Maibé,  difisil tebes tanba defeza husi parte rua nian solidu tebes, hodi salva bola ne’ebe hetan sutu husi jogadór sira mantein to’o jogu primeira parte termina.

Hafoin  kontinua ba jogu segunda parte tensi jogu komesa manas liu tanba ekipa rua ne’e hodi lansa kontra atake ba malu no sorti diak produs tan golu rua tutuir malu husi ekipa Maudoco F.C iha minutu 24 liuhosi  jogadór Petrus Triyulio no tama ba minutu 25  aumenta tan golu ida husi Leonardo Cunha hodi muda kuadru score sai ba 3-1.

Halo ekipa Kuda  Ulun  F.C  esforsu muda tatika jogu hodi aumenta tan golu ida  muda score  3-2, liu husi golu ne’e jogu komesa manas  liu tan.

Ekipa rua mai  ho  esperitu vontade jogu hodi aumenta tan golu tolu tutuir malu ba ekipa Kuda Ulun FC liu-husi jogador Acau Mesquita  iha minutu 31, Denilio Pinto iha minutu 36 no minutu 38 nafatin  liu husi jogadór Denilio Pinto score muda ba  6-2

Hafoin iha minutu  39,  ekipa Kuda Ulun F.C aumenta tan golu ida hodi muda kuadru score sai ba 6-3 to’o termina jogu segunda parte remata lori vitória ba ekipa Maudoco F.C.

Jornalista : David Gonçalves /Marito Da Costa