Governu Kontínua Administra no Identifika Proprietáriu Estadu Ne’ebé Arrenda husi Sidadaun sira

Ministru Justisa, Sérgio de Jesus Fernandes da Costa Hornai. Imajen/Rafa.tl

DILI, RAFA.tl– Ministru Justisa (MJ), Sérgio de Jesus Fernandes da Costa Hornai, hateten, rai estadu ne’ebé abandona signifika katak ne’e administra husi governu, tanba ne’e, governu kontínua halo identifikasaun ba rai sira ne’e tuir regulamentu ne’ebé regula propriedade rai nian husi entidade legal sira.

Bazei ba lei númeru 13/2017 sita katak hahú husi loron 07 fulan-Dezembru  tinan 1975 to’o mai iha  loron 25 fulan-Outubru tinan 1999 rai sira uluk sei regulariza liu husi registu kredial hodi halo levantamentu liuhosi atividade kadestral tuir Dekretu-Lei 65/2022  ko’alia kona-bá informasaun kadestral, nune’e mós  tenke halo artikulasaun ba lei númeru 13/2017 ba iha rejime juridiku titularidade lei númeru 8/2017  kona-bá eis propriesaun.

Ministru Justisa afirma, Diresaun Jerál Teras Propriedade liuhosi Diresaun Nasionál no Servisu Nasional Kadestrais halo apresiasaun ba iha dokumentu hotu-hotu ne’ebé aprezenta ba iha diresaun jeral bazeia ba iha lei númeru 13 inklui lei númeru 1/2010.

Karik iha deklarante ne’e maka liu nain ida sei iha mós rai disputa, Diresaun Nasionál Terras Propriedades hodi rezolve tuir lei númeru 5/2020 hodi fó rekoñesimentu rai ne’ebé tama iha dominiu Estadu ka dominiu partikular nian.

“Hirak ne’e hotu komisaun maka sei haree, karik maka ema ruma la satisfas entaun bele  ba defensor hodi lori prosesu  ne’e ba iha tribunál atu tribunál halo apresiasaun ba iha problema sira ne’ebé sidadaun sira ne’e tau hela iha kestaun ka deklarante sira ne’e tau hela iha kestaun,” Ministru Justisa Sérgio de Jesus Fernandes da Costa Hornai ba jornalista sira iha salaun Ministériu Justisa, Dili Kinta (09/10/2025).

Nia hateten governu kontínua halo akordu interministeriál hanesan Ministériu Planeamentu no Investimentu Estratéjiku (MPEI), Ministériu Obras Públikas (MOP), Ministeriu Justisa (MJ) inklui Ministériu Finansa (MF) hodi haree ba politika jestaun ba rai iha Timor-Leste.

Dadaun ne’e governu mós halo parseria ho Banku Mundiál no mós instituisaun finanseira internasionál sira hodi hadia mós kona-bá jestaun rai atu bele halo atribuisaun titulariedade.

Tinan ida ne’e governu mós halo ona atribuisaun kuaze 100-resin maka halo ona rekoiñesimentu ba iha direitu  titulariedade  nian.

Husi númeru rekoñesimentu 100-resin ne’e governu halo ona iha munisípiu sira hanesan Lautem, Viqueque, Manatuto, Baucau, Manufahi, Aileu, Covalima no tinan oin implementa fila-fali iha Munisípiu Dili.

Iha Diresaun Nasionál Terras Propriedades hamutuk ho Diresaun Nasionál Kadestrais hodi haree kona-bá implementasaun lei 19/2004 kona-bá proprietáriu sira ne’ebé sujeita ba iha arrendamentu ho nia fiksasaun valor sira hodi haree ba tipu .

Dadaun ne’e governu mós kontínua halo identifikasaun ba direitu propriedade ne’ebé la klaru, hodi asesu ba servisu finanseiru sira hanesan arrendamentu rai Estadu hodi halo transferensia finanseiru.

Reportajen ekipa Rafa.tl