Ouvir RAFA Ritmo, Voz e Coração de Timor
Ekipa Baucau selebra vitória hafoin manál Ataúro ho rezultadu 3-0 iha Kompetisaun Festival Nasionál Desportu (FND) 2026 modalidade voleibol kategoria mane iha Jináziu Díli, Tersa 17 Novembru 2026.
Díli, 18 Novembru 2026 (RAFA) – Kompetisaun Festival Nasionál Desportu (FND) 2026 modalidade voleibol kategoria mane, Munisípiu Baucau susesu manán ekipa Ataúro ho rezultadu klaru 3-0.
Jogu daruak faze apuramentu grupu (G) entre Baucau no Ataúro ne’e hala’o iha Jináziu Desportu Díli, Tersa-ne’e. Baucau hatudu dominasaun di’ak husi set dahuluk to’o set datoluk, ho kapasidade atake no defeza ne’ebé forte, ne’ebé halo Ataúro difisil atu kompete.
Iha set dahuluk, Baucau manán ho diferensa pontus hitu; 25-18. Kontinua iha set daruak, Baucau nafatin domina no manán ho rezultadu boot liután 25-15.
Iha set datoluk ne’ebé nu’udar determinasaun ba vitória, Baucau kontinua hatudu nia superioridade no taka jogu ho rezultadu 25-18, hodi asegura vitória ho rezultadu 3-0.
Ho vitória ne’e hatuur provizoriu ekipa Munisípiu Baucau iha pozisaun dahuluk grupu (G) ho pontu neen husi jogu rua manán hotu.
Grupu (G) kompostu husi ekipa haat mak hanesan Baucau, Ataúro, Manatuto no Aileu.
Jornalista: Davilio Valdamir/Nelson Dias
Written by: RafaFM
Baucau Halakon Ataúro 3-0 FND 2026 Modalidade Voleibol
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt