Desporto

FND 2026, Ekipa Voleibol Mane Baucau Manán Aileu

todayNovember 20, 2026 4

Background
share close

Díli, 20 Novembru 2026 (RAFA) – Ekipa voleibol mane husi Munisípiu Baucau hatudu superioridade iha kampu hodi domina ekipa Aileu ho rezultadu 3-0, iha jogu kontinuasaun Festival Nasionál Desportu (FND) 2026, faze apuramentu grupu G.

Jogu entre ekipa rua ne’e hala’o iha Jinásiu Desportu Díli (GDD), Kinta-ne’e, ekipa identiku ho kulugisa ne’e hatudu dominasaun forte desde set dahuluk to’o set ikus.

Iha set dahuluk, Baucau hahú kompetisaun ho desempeñu di’ak no konsege manán ho rezultadu 25-13, hodi hatudu diferensa pontu ne’ebé signifikativu kompara ho Aileu.

Dominasaun Baucau kontinua iha set daruak, ne’ebé sira konsege manan tan ho rezultadu 25-17, maski Aileu buka atu hasa’e nia intensidade atu kompete.

Iha set datoluk, Aileu aumenta rezisténsia no halo jogu sai kompetitivu liu, maibé Baucau nafatin kontrola situasaun no taka jogu ho rezultadu 25-22.

Ho rezultadu vitória ne’e lori ekipa Baucau hakat ba faze eliminasaun nu’udar kampeaun grupu (G) ho pontu sia husi jogu tolu neebe maka hala’o susesu manan hotu.

Grupu G rasik kompostu husi ekipa haat mak hanesan Baucau, Aileu, Atauro no Manatuto.

Jornalista: Davilio Valdamir/ Mario Fili

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!