Desporto

FND 2026, Ekipa Voleibol Feto Munisípiu Díli Halakon Bobonaro 3-0

todayNovember 19, 2026 15 5

Background
share close

Díli, 19 Novembru 2026 (RAFA) – Ekipa voleibol feto Munisípiu Díli hatudu dominasaun forte no susesu halakon ekipa Bobonaro ho rezultadu 3-0 iha jogu kontinuasaun Festival Nasionál Desportu (FND) 2026.

Jogu entre ekipa feto husi munisípiu rua ne’e hala’o iha Jináziu Desportu Díli (GDD), iha Kinta-ne’e, ekipa Díli hatudu dominasaun forte no konsistente hosi set dahuluk to’o set ikus, hodi la fó oportunidade ba Bobonaro atu muda situasaun jogu.

Iha set dahuluk, ekipa Díli hahú kompetisaun ho dezenpeñu ne’ebé maka’as no organizadu, konsege manan ho diferensa pontu sai, ho rezultadu 25-16.

Dominasaun Díli kontinua iha set daruak, ne’ebé sira aumenta tan presaun no kontrola ritmu jogu, hodi manan ho rezultadu klaru 25-10.

Tama ba set datoluk, ekipa Bobonaro buka atu hametin nia jogu no kontinua hamenus distánsia pontu atu buka oportunidade muda rezultadu. Maski nune’e, ekipa Díli kontinua hatudu konsisténsia, no disiplina iha organizasaun jogu ne’ebé di’ak, hodi mantein nia vantajen no taka set ikus ho rezultadu 25-17.

Ho rezultadu ne’e, ekipa voleibol feto Díli asegura vitória ho set 3-0 no kontinua hametin nia pozisaun iha primeira klasifikasaun Grupu A, ho pontu neen (6) hosi jogu rua, ne’ebé hotu-hotu remata ho vitória.

Jogu FND 2026 modalidade voleibol feto Grupu A kompostu husi ekipa munisípiu haat, hanesan Díli, Ainaro, Bobonaro no Ataúro.

Jornalista: Davilio Valdamir/ Mario Fili

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!