Ouvir RAFA Ritmo, Voz e Coração de Timor
Díli, 13 Novembru 2026 (RAFA) –Federasaun Futebol Timor-Leste (FFTL) deklara mantein apoiu Gianni Infantino, hodi lidera FIFA períodu 2027-2031.
Prezidente FFTL Nilton Telmo Gusmão do Santos hateten desizaun FFTL nian ne’e bazeia ba koñesimentu, vizaun, misaun, programa no estratéjia ne’ebé Gianni Infantino implementa ona hodi dezenvolve mundu futebol, liuliu komunikasaun no kooperasaun ne’ebé FFTL iha ho FIFA.
“Razaun prinsipal ba apoiu kandidatura Gianni Infantino tanba depois ita involve iha Federasaun, komunikasaun sira ne’ebé ita ho Gianni, hatene saida mak nia atu halo ba futebol tanba ne’e laiha duvida, ha’u foti desizaun hamutuk ho membru ezekutivu sira hotu no ekipa FFTL tomak, deklara fó apoiu tomak ba Prezidente Gianni Infantino,” Prezidente FFTL, Nilton Telmo Gusmão dos Santos, informa ba jornalista sira iha FFTL, Sesta-ne’e.
Nilton Telom Gusmão dos Santos mós afirma katak Timor-Leste sente ona benefísiu hosi programa FIFA forward, inisiativa husi Gianni Infantino hodi apoia dezenvolvimentu futebol iha federasaun membru sira.
“Programa FIFA forward ne’e inisiativa ninian, ne’ebé halo hodi partilla reseitas hotu ne’ebé FIFA hetan husi atividades, FIFA organiza hanesan kopa mundial ba membru asosiasaun sira, ida-ne’e hatudu katak Organizasaun inan ne’e, nia atensaun ba asosiasoens memebru ne’e boot tebes, prinsipalmente país sira ne’ebé presiza liu, hanesan Timor-Leste, iha Azia,” tenik Nilton Gusmão.
Durante lideransa Gianni Infantino nu’udar prezidente FIFA, Timor-Leste hetan ona apoiu importante liuhusi programa dezenvolvimentu infraestrutura futebol, apoiu ne’e inklui orsamentu ba reabilitasaun no espansaun Estadiu Munisipál Dili, konstrusaun Estadiu foun ho padraun internasionál, no apoiu seluk ba dezenvolvimentu futebol Timor-Leste, durante mandatu Prezidente FFTL, Nilton Telmo Gusmão dos Santos.
Eleisaun Prezidente FIFA tuir mai sei hala’o iha tinan 2027, no Gianni Infantino mós anunsia ona katak sei kandidata fali.
Alende ne’e iha mos Ramon Vega eis-jogadór futebol nasaun Suísa, ne’ebé manifesta ona intensaun hodi kandidata Aan inklui Kozo Tashima hanesan Eis prezidente Federasaun Futebol Japaun (JFA), ne’ebé mos manifesta intensaun hodi kandidata.
Jornalista: Marito da Costa/Fidelino de Araújo
Written by: RafaFM
FFTL Deklara Mantein Apoiu Gianni Infantino Lidera FIFA 2027-2031
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt