Federasaun Atletismu Timor-Leste Prepara Atleta Na’in- Tolu Partisipa Asian Games Aichi-Nagoya 2026

Prezidente Federasaun Atletismu Timor-Leste, Afrânio Xavier Amarál.

Díli, 28 Jullu 2026 (RAFA.TL)—Federasaun Atletismu Timor-Leste  prepara ona atleta na’in-tolu (mane  rua no feto  ida) atu  partisipa iha eventu Asian Games ne’ebé hala’o iha Aichi-Nagoya,  Japaun, iha fulan-Setembru-Outubru, tinan ne’e.

Prezidente Federasaun Atletismu Timor-Leste,  Afrânio Xavier Amarál, informa durante preparasaun Federasaun Atletismu Timor-Leste propoin atleta  na’in-sia, maibé iha reuniaun  nivél altu nian, komisaun organizadór  deside deit  atleta na’in-tolu maka sei partisipa iha eventu Asian Games ba dala-XX  iha  Aichi Nagoya Japaun.

“Kompetisaun nivél Ázia ne’e  partisipa husi nasaun 45. Importante mak ita ba partisipa atu ita Timor nia naran labele lakon iha jogu Asian Games,” Afrânio Xavier Amarál hateten hodi responde RAFA.TL, Segunda-ne’e.

 Nia konfirma katak atleta na’in-tolu ne’e, kompostu husi na’in-ida halo preparasaun iha Rio de Maior Portugal no na’in-rua seluk halo preparasaun iha rai laran.

Tuir oráriu,  atleta sira sei konsentra durtante fulan ida otél Ramelau iha Díli durante fulan-tolu hodi halo preparasaun, liu-liu ba mentalidade no  fiziku antes ba kompete iha eventu internasionál ne’e.

Jornalista: David Gonçalves