Desporto

Falla Kontrolu Bola, B’TAL F.C Lakon ho Kuda Ulun F.C 1-3

todayNovember 12, 2026 16

Background
share close

Díli, 12 Novembru 2026 (RAFA)-Ekipa Kuda Ulun F.C ne’ebe reprezenta husi Munisipiu Bobonaro susesu rekolla pontu hafoin halo remontada jogu hasoru nia adversáriu B’TAL F.C ho score 1-3.

Iha jogu kontinuasaun Liga Futsal primeira divizaun époka 2026 ne´ebé hala’o iha kampu futsal F-FDTL iha Díli, Kuarta-ne’e, ekipa rua hatudu ambisaun boot hodi buka meius  atu muda sira nia pozisaun iha tabela klasifikasaun.

Jogu fo’in hala’o minutu haat, B’TAL F.C fura uluk golu liu husi jogador Demetrio Xavier  hodi hatuur rezultadu sai 1-0.

Golu inisiál ne’e fó presaun boot ba Kuda Ulun F.C. ho nune’e, ritmu jogu iha kampu laran hatudu intensidade liu tan hodi  lansa kontra no atake ba malu. Kuda Ulun F. C ne’ebé hatudu jogu ho  asaun movimentu lalais liu respon hikas golu tolu tuituir malu ba  nia adversáriu B’TAL F.C liu-husi jogadór Alamsyah Ahmad iha minutu hitu,  minutu 12  no iha minutu 19 hodi muda tabela score sai ba 3-1 to’o termina jogu primeira parte nian.

Tama ba segunda parte, B’TAL F.C. ne’ebé mai ho ambisaun boot esforsu atu hamihis score,  maibé la konsege tanba ladun domina jogu.

Kuda Ulun F. C mós la lakon esperitu no vontade jogu hodi fó presaun ba B’TAL F.C no tenta atu haboot tan sira nia score, maibé presaun hirak ne’e la akontese tan golu ruma to’o termina jogu segunda parte nian. Nune’e, vitória ba Kuda Ulun F.C ho score 3-1 hasoru B’TAL F.C.

Jornalista: David Gonçalves

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!