Ouvir RAFA Ritmo, Voz e Coração de Timor
Díli, 11 Novembru 2026 (RAFA) – Klubu F.C Porto Taibesse rekruta ona jogadór foun na’in-lima hamutuk ho jogador lokal foun sira hodi hametin ekipa ho objetivu hakarak mantein iha Primeira Divizaun Liga Futebol Timor-Leste (LFTL).
Prezidente F.C Porto Taibesse, Ivodio Andrade informa katak ba époka tinan ne’e sira hametin plantel ho maioria jogadór lokal foun, inklui jogadór estranjeiru na’in-lima, no Apphia, ne’ebé antes ne’e haforsa ona ekipa sei kontinua luta hodi hametin ekipa iha epoka ne’e.
“Ami iha ona jogador estranjeru na’in-ne’en, jogador tuan balu ami lori, foun mak barak liu. Ami lori jogador F.C Porto Taibesse ba époka ida-ne’e na’in-20,” hatete Ivodio Andrade ba RAFA iha Kampu Taibesse, Díli, Tersa-ne’e.
Nia hatututan, F.C Porto Taibesse laiha objetivu aas liu iha kompetisaun ida-ne’e, maibé foka liubá esforsu atu kontinua mantein iha Primeira Divizaun.
Treinador F.C Porto Taibesse, Henki Noguera afirma, ekipa hahú ona treinamentu, hodi prepara jogador sira atu infrenta iha liga époka ne’e.
“Ida ne’e hanesan treinamentu ba da-tolu nian. Ami treina iha tasi ibun agora ami mai treinu fali iha Kampu, ba preparasaun ba jogu époka 2026 nian,” tenik Henki.
Nia esplika katak jogadór estranjeiru foun nain lima ne’ebe sei haforsa F.C Porto Taibesse, hanesan Nana husi Ghana ne’ebé antes ne’e defende klubu Aitana FC, Mossi husi Kamerun joga iha DIT FC, Son husi Kamerun antes ne’e defende AD SLB Laulara, inklui jogador foun rua Abdul no Rezad husi Indonézia ne’ebe sei haforsa ekipa iha LFTL époka ne’e.
Iha époka foun ne’e, kompozisaun ekipa F.C Porto Taibesse iha mudansa. Tanba, númeru boot husi jogadór sira husik ona ekipa. Maski nune’e, ho esperansa no objetivu ne’ebé iha, ho jogador foun sira sei reforsa plantel hodi mantein pozisaun iha Primeira Divizaun no evita degradasaun iha liga époka ne’e.
Jornalista: Marito da Costa
Written by: RafaFM
F.C Porto Taibesse Rekruta Jogadór Estranjeru Na’in-Lima
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt