play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

EUA Halakon Paraguay iha Jogu da-huluk Faze Grupu D Kopa Mundiál 2026

todayJune 13, 2026 26

Background
share close

Joagór sira EUA selebra vitória hafoin halakon nia adversáriu Paraguay iha jogu da-huluk faze grupu D Kopa Mundiál 2026, Sábadu 13 Juñu ne'e. Imajen/Getty

Díli, 13 Juñu 2026 (RAFA.TL)- Ekipa selesaun nasionál Estadus Unidus Amérika (EUA) halakon nia adversáriu Paraguay iha jogu da-huluk faze grupu D Kopa Mundiál 2026 no provizoriamente lidera tabela klasifikasaun ho pontus tolu.

Jogu entre EUA no Paraguai ne’ebé hala’o iha Estádiu Los Angeles, Sábadu (13/06/2026), ekipa  Paraguay lansa kedas amiasa iha jogu dahuluk ne’e, maibé sei salva husi guarda rede.

Liu deit minutu balun, Estadus Unidus domina kedas jogu ho tátika ne’ebé iha hodi lansa kontra atake ba Paraguay.

Tama ba minutu hitu, Estadus Unidus Amérika lidera kedas ho score 1-0 hafoin jogadór Paraguay Bobadilla halo auto golu.

Ekipa Estadus Unidus kontinua lansa kontra atake ba Paraguay no tama ba minutu 31, jogadór Falarin Balogun konsege marka tan golu ida hodi muda score ba 2-0 no ekipa Estadus Unidus kontinua domina bola.

Jogadór Falarin Balogun husi Estadus Unidos Amérika marka nia golu daruak iha minutu 45+5 hodi muda score ba 3-0.

Tama ba Segunda parte hahú ho ritmu ne’ebé neineik liu, ekipa selesaun Nasionál Estadus Unidus Amérika ne’ebé lidera husi treinadór Pochettino halo jogu ida ho kalma no mantein domina jogu sira.

Maske nune’e ekipa Paraguay kontinua halo jogu no sai husi presaun hodi buka oportunidade atu marka golu. Tama ba minutu 73 Paraguay konsege hamihis score ho golu ne’ebé nia jogadór suplentu Mauricio marka.

Ekipa Estadus Unidus kontinua lidera ho score 3-1, maibé kontinua lansa atake ba adversáriu. Ho presaun ne’ebé iha Estadus Unidus kontinua marka golu ida tan iha tempu extra segunda parte nian hodi haboot score ba 4-1 iha minutu 90+8 liu husi jogadór Pepi.

Ho rezultadu ne’e, EUA agora daudaun lidera Grupu D, Kopa Mundiál 2026 ho pontu tolu, enkuantu Paraguai iha pontu ikus hosi tabela klasifikasaun. Jogu seluk entre Austrália hasoru Turkia, sei hala’o Domingu (14/06/2026).

Jornalista: Marito da Costa/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!