play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

EUA Asegura Billete Ida iha Faze 32 Hafoin Halakon Austrália 2-0

todayJune 20, 2026 15

Background
share close

Alex Freeman selebra nia golu iha jogu Estadus Unidus hasoru Austrália iha Tasa Mundiál 2026. Imajen/REUTERS

Díli, 20 Juñu 2026 (RAFA.TL)- Selesaun Nasionál Estadus Unidus Amérika asegura billete ida iha faze 32 hafoin halakon nia adversáriu Austrália ho score 2-0 iha jogu faze grupu D Kopa Mundiál 2026.

Jogu entre ekipa rua ne’ebé hala’o iha Estádiu Lumen, Seattle, Sesta (19/06/2026), vitória Estadus Unidus hetan hafoin jogadór Austrália Cameron Burgess halo auto golu no segundu golu marka husi Alex Freeman.

Iha jogu ekipa rua ne’e, Estadus Unidus foti kedas inisiativa halo atake no ameasa ho tiru ida hosi Sergino Dest, ne’ebé hetan blokeiu hosi defeza australianu.

Estadus Unidus kontinua hetan vantajen iha minutu 11 hafoin defeza australianu Cameron Burgess marka auto golu, no muda kedas score ba 1-0.

Ekipa nasionál Austrália fó ameasa ho remate husi Nishan Velupillay, maibé bola halai sees husi baliza Estadus Unidus nian.

Molok ba intervallu, ekipa Estadus Unidus Amérika aumenta tan golu ida hodi muda score ba 2-0 iha minutu 45 liu husi jogadór Alex Freeman.

Tama ba segunda parte, Estadus Unidus Amérika hala’o hikas fali jogu atake no hetan oportunidade ho suta ida husi Folarin Balogun, ne’ebé hetan blokeiu husi defeza australianu.

Ekipa Austrália iha oportunidade atu marka golu no hamihis score liuhosi tentativa ida hosi Cristian Volpato, maibé nia suta sei liu deit husi trave leten.

Austrália kontinua lansa ateke no tenta halo jogu ida ho presaun maka’ás no kontra atake sira hodi domina jogu iha minutu ikus, maibé Estadus Unidus Amérika kontinua mantein halo jogu ida ho defensivu makas hodi mantein asegura vitóri ne´ebé iha.

Ho vitória ne’e, Estadus Unidus iha primeiru lugar klasifikasaun grupu D Kopa Mundiál 2026 ho pontu neen hosi jogu rua.

Austrália mantein iha segundu lugar iha klasifikasaun grupu D Kopa Mundiál 2026 ho pontu tolu hosi jogu rua, iha nafatin oportunidade atu hakat ba jornada tuirmai bainhira iha jogu ikus rekolla tan pontu ida.

Jornalista: David Gonçalves/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!