Desporto

Emanuel F.C Prontu Kompete iha Liga Timorense Époka 2026-2027

todayNovember 11, 2026 54

Background
share close

Díli, 11 Novembru 2026 (RAFA) – Klubu Emanuel F.C prepara plantel ho jogadór 21 kompostu husi jogadór lokal no estranjeiru atu kompete iha Liga Timorense époka 2026-2027.

Prezidente Emanuel F.C, Aleixo de Carvalho Monteiro afirma katak ekipa preparadu enfrenta kompetisaun époka ne’e, ho kompozisaun plantel ne’ebé hetan mudansa signifikativa kompara ho époka kotuk.

“Emanuel prepara atu kompete iha fulan agora. Emanuel nia jogador prontu ona, mai husi estranjeru no mós lokal, ne’ebe ami preparadu atu kompete iha époka ne’e,” hatete Prezidente Emanuel F.C, Aleixo de Carvalho Monteiro ba RAFA iha Timor Plaza, Tersa-ne’e.

Nia hatutan, husi total jogadór 21 ne’ebé Emanuel prepara, na’in-ualu mak kontinua husi plantel tuan, enkuantu jogadór sira seluk rekursu foun. Ba jogadór estranjeiru, klubu planeia atu rekruta husi nasaun viziñu.

“Jogador ne’ebe rekruta foun ne’e, tanba tuan ne’e hela deit sira nain walu, restu ne’e foun hotu, ne’ebe ami ba ho 21 jogadores, Estranjeru ita foti husi nasaun vizinhu, em prensipiu rua ou tolu ida hanesan ne’e,” tenik Aleixo de Carvalho.

Prezidente Emanuel F.C afirma mós katak jogadór lokal sira ne’ebé tama iha plantel foun iha esperiénsia kompetisaun, tanba balu antes ne’e joga ona iha Primeira Divizaun no Segunda Divizaun. Nune’e mós, jogadór estranjeiru balu ne’ebé klubu lori mai iha esperiénsia  ona iha Liga Timorense.

“Jogador sira ne’e mos publiku sira hatene hela, sira mos joga iha primeiru Divizaun, sigundu Divizaun, sira nia naran mos koñesidu iha liga Timorense” nia subliña.

Aleixo de Carvalho Monteiro hatutan, Emanuel F.C iha esperansa sei hetan rezultadu diak hanesan ho époka kotuk. Tanba, jogador sira ne’ebe mai ho talentu diak sai hotu mos Emanuel hamrik nafatin iha Quintu lugar nafatin iha futebol Timor-Leste. Entaun, ho ida ne’e Emanuel prepara diak bele kompete epoka ne’e.

Emanuel F.C mós sei hein anúnsiu kalendáriu ofisiál Liga Timorense no informasaun kona-ba orsamentu kompetisaun atu bele kompleta preparasaun hodi infrenta Jogu liga iha epoka ne’e

Jogu liga Timorense époka 2026-2027 hahu husi loron 2 fulan Dezembru ne’e no ekipa 10 sei partisipa  hanesan Karketu Díli F.C, Santa Cruz F.C, AD SLB Laulara, Emmanuel F.C,  F.C Porto Taibesse, Coração DIT F.C, Assalam F.C, AD Santo Antonio, Hibers Díli F.C no DIT F.C.

Jornalista: Marito da Costa

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!