Ouvir RAFA Ritmo, Voz e Coração de Timor
Ekipa voleibol feto Lautem manán Viqueque ho rezultadu 3-0 iha Festival Nasional Desportu, Segunda 16 Novembru 2026.
Díli, 16 Novembru 2026 (RAFA) – Ekipa voleibol feto Munisípiu Lautem hatudu performa di’ak iha kompetisaun Festival Nasional Desportu hafoin manán Viqueque ho rezultadu 3-0.
Enkontru entre ekipa rua ne’e hala’o iha Jinásiu Desportu Díli (GDD), Segunda-ne’e, hatudu Lautem domina kompetisaun hosi inísiu to’o remata jogu.
Iha set dahuluk, Lautem hatudu dominasaun forte no la fó oportunidade barak ba ekipa Viqueque atu dezenvolve nia jogu, ho rezultadu 25-12.
Domíniu Lautem kontinua iha set daruak, maski Viqueque koko atu hasa’e nia rezisténsia, maibé Lautem nafatin konsege kontrola jogu no taka set ho rezultadu 25-19.
Iha set datoluk, Lautem kontinua hatudu konsisténsia iha atake no defeza, hodi taka jogu ho rezultadu 25-17, no garante vitória ho rezultadu final 3-0.
Ho rezultadu vitória ne’e, hatuur provizoriu ekipa Lautem iha primeru klasifikasaun grupu (C) ho pontu tolu. Enkuantu, ekipa Viqueque iha pozisaun ikus ho pontu 0.
Festival Nasional Desportu 2026, grupu (C) kompostu husi ekipa tolu mak hanesan Lautem Viqueque no Manatuto.
Jornalista: Davilio Valdamir/Marito Da Costa
Written by: RafaFM
Ekipa Voleibol Feto Lautem Susesu Halakon Viqueque 3-0
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt