Ekipa Promovidu Kuda Ulun F.C Halakon Ramelau F.C Ho Score 5-1

Kuda Ulun F.C

Díli,  20 Setembru 2026 (RAFA)- Ekipa promovidu Kuda Ulun F.C susesu halo supreza hafoin halakon ekipa kampeaun Liga Futsal époka 2025 Ramelau F.C ho score fantástiku 5-1.

Iha jogu kontinuasaun Liga Futsal Timor-Leste primeira divizaun jornada daruak ne’ebé hala’o iha Kampu Futsal F-FDTL  iha Díli, Sábadu-ne’e, duelo entre ekipa rua tun kedas ho intensidade Aas desde inisiu jogu priemeira parte no tama ba minutu 13 Abdul lewar susesu produs golu ida ba rede Ramelau F.C hodi lori nia ekipa lidera provizoriu ho score 1-0.

Ho golu ne’e obriga ekipa rua jogu ho ofensivu tan hodi lansa kontra atake ba malu no tama ba iha minutu 18 Abdul lewar produs tan golu ida hafoin aproveita kontra atake lais hodi muda aumenta score sai 2-0 to’o termina jogu priemeira parte.

Iha segunda parte, jogu sai manas liu tan ba ekipa rua ne’e hodi lansa kontra-atake ba malu. Ramelau F.C tenta ne’ebé sofre uluk golu Rua iha primeira Parte tenta hamis score, maibé Kuda Ulun F.C aproveita espasu no Septiadi Latuna aumenta score ba 3-0 iha minutu 23.

No tama ba iha  minutu 33, Kuda Ulun F.C haboot liu tan score sai 4-0 liu husi jogador Petrus Triyulio.

Esforsu husi ekipa Ramelau F.C ikus mai konsege hatudu rezulatadu pozetivu iha minutu 36 Liu husi asaun Joao Guterres hodi hamihis score sai 4-1.

Maibé liu deit minutu rua Kuda Ulun F.C haboot fila fali score liu husi jogador Alamsyah Ahmad hodi Taka jogu segunda parte ho vitoria 5-1.

Husi rezultadu vitória ne’e, ekipa promovidu Kuda Ulun F.C agora okupa pozisaun daruak iha tabela klasifikasaun Liga Futsal Timor-Leste Epoka 2026, ho pontus neen (6). Kuda Ulun F.C iha pontus hanesan ho AD Estrela Baguia, ne’ebé lidera tabela, maibé Estrela Baguia sei iha leten tanba vantajen produtividade golu.

Jornalista: Davilio Valdamir/Nelson Dias