Ekipa Nasionál Inglaterra Fahe Pontu Hanesan ho Gana 0-0

Ekipa nasionál Inglaterra fahe pontu hanesan ho Gana ho score 0-0 iha jogu kontinuasaun grupu L Kopa Mundiál 2026 iha Estádiu Gillette, Foxborough, Kuarta (24/06/2026). Imajen/Reuters

Díli, 24 Juñu 2026 (RAFA.TL)- Ekipa Nasionál Inglaterra fahe pontu hanesan ho Gana hafoin empata 0-0 iha jogu kontinuasaun grupu L Kopa Mundiál 2026 ne’ebé halao iha Estádiu Gillette, Foxborough, Kuarta (24/06/2026).

Bainhira jogu hahú, iha minutu 15 dahuluk, Inglaterra marka tentativa tolu, maibé ekipa Thomas Tuchel ne’e falla marka golu tanba bola la kona alvu.

Gana halo jogu ho defeza ida metin, no halo jogu sai difisil tebes ba Inglaterra. Antoine Semenyo ho nia kolega sira joga ho defeza no depende maka’ás ba kombate fíziku.

Inglaterra depende maka’ás ba jogu husi parte loos, liu husi kombinasaun jogadór  Reece James no Noni Madueke hodi lansa sira nia tentativa atu tama ba defeza Gana nian, maibé sei falla.

Ekipa rua kontinua halo jogu ho ida-idak nia ritmu, maibé laiha golu ruma mak akontese.

Declan Rice halo tentativa sira, maibé sei falla. Gana hetan oportunidade ida no lansa ameasa ida ba Inglaterra iha minutu 42, maibé sei falla mós. Ekipa rua mantein ho score 0-0 too jogu termina.

Tama ba segunda parte, ekipa nasionál Gana halo kedas presaun ho agresivu iha minutu 10 dahuluk. Treinadór Gana Carlos Queiroz muda stratejia no lansa kedas ameasa ba Inglaterra hosi sorin-loos.

Inglaterra iha oportunidade rua iha minutu 56 no jogadór Madueke nia suta ne’ebé iha sei falla. Harry Kane halo suta baixu ida hosi kaixa penalidade nia liur iha minutu 67 no Nia tentativa hetan salvasaun husi baliza adversáriu Asare.

Joagadór Uzbekistaun Asare ho mpozisaun baliza ne´e joga ho di’ak tebes iha jogu ne’e. Nia salva Bukayo Saka nia suta iha minutu 85 no asegura mos nia reze husi amiasa ne´ebé lansa husi Herry Kane ho performa ne´ebé Gana iha konsege aseura pontu ida iha jogu ne´e hafoin ekipa rua empata 0-0 too jogu termina.

Ho rezultadu ida ne’e hatuur Inglaterra iha primeiru klasifikasaun grupu L nian ho pontu haat, enkuantu Gana iha segundu klasifikasaun ho pontu hanesan, maibé diferente golu.

Jornalista: David Gonçalves/Editór: Vito Savadór