Desporto

Ekipa AD BAS Halakon B’Tal F.C 2-1 iha Jornada da-Neen LFTL

todayOctober 19, 2026 23

Background
share close

Díli, 19 Outubru 2026 (RAFA)- AD Baucau All Star ka BAS susesu rekolla pontu másimu iha jornada da-neen Liga Futsal Timor-Leste hafoin remontada iha segunda parte hasoru B’Tal F.C ho score 2-1.

Duelo entre ekipa rua ne’ebé hala’o iha Kampu Futsal F-FDTL, Fatuhada, Díli, Sábadu-ne’e inisiu jogu kedas ekipa rua hala’o jogu ho kuidadu hodi buka oportundade atu lansa kontra atake ba malu.

B’Tal F.C ne’ebé mak hatudu ritmu jogu di’ak iha primeira parte konsege domina liu bola, ho nune’e, tama ba iha minutu 17 B’Tal F.C konsege produs golu ida hodi lidera provizoriu ho score 1-0 liu husi jogador Alexander Gomes.

Ho score refere ekipa rua tenta halo kontra atake nafatin, maibé to’o termina jogu priemeira parte score mantein 1-0

Kontinua ba jogu segunda parte tensi jogu komesa manas liután ba ekipa rua ne’e hodi halo lansa kontra atake ba malu no tama ba iha minutu 25 BAS konsege responde golu ida hodi halo balansu ba score sai 1-1 liu husi jogador Anzar.

Ekipa rua ne’e  lansa kontra atake ba malu no tama ba iha minutu 29, Rahman susesu produs golu ida hodi lori nia ekipa BAS lidera hikas ho score 2-1.

Ho score refere halo tensi jogu komesa manas liután ba ekipa rua ne’e hodi lansa kontra atake ba malu, maibé to’o termina jogu segunda parte laiha tan golu ruma mak akontese no vitória ba BAS ho score 2-1.

Jornalista: Davilio Valdamir/Marito Da Costa

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!