Ejiptu Hakat ba Jornada 16 Hafoin Halakon Austrália iha Penalidade

Agipto manán Austrália iha penalidade jogu mundiál 2026 iha jornada 36, Sábadu 04 Jullu 2026. Imajen/FIFA

Díli, 04 Jullu 2026 (RAFA.TL) – Selesaun Ejípsiu avansa ba Jornada 16 Kopa Mundiál 2026 hafoin halakon Austrália liuhosi penalidade iha jogu faze elimansaun ha Estádiu AT&T, Arlington, Sesta (04/07/2026).

Iha jogu Ejiptu lidera liuhosi Emam Ashour, maibé Austrália halo empata ho autogolu hosi Mohamed Hany no ekipa rua mantein empata ho 1-1 no hakat ba penalidade Ejiptu sai vensedór iha penalidade, ho score 4-2 hafoin jogadór Australia Harry Souttar no Lucas Harrington la konsege marka golu.

Austrália kria primeira oportunidade enkontru ne’e liu husi remate husi Cristian Volpato, maibé bola kona trave. Ekipa rua hasa’e intensidade jogu hodi mantein ida-idak nia jogu.

Ejiptu hetan vantajen iha minutu 13 bainhira pasajen husi Karim Hafez konverte ba golu husi Emam Ashour, hodi muda score ba 1-0.

Ho golu ne’e, ekipa rua mantein halo jogu ida ho ritmu as, maibé laiha ida mak marka tan golu hodi muda score to’o intervallu.

Iha inísiu segunda parte, Ejiptu hetan oportunidade atu duplika sira nia vantajen liuhosi remata ida hosi Omar Marmoush, maibé bola ne’e la’o dook hosi baliza Austrália nian.

Austrália halo empata iha minutu 55, hodi hatama eskoru ba 1-1, hafoin defeza ejípsiu Mohamed Hany la konsege trava ho bola, hodi rezulta autogolu ida.

Iha segunda parte nia rohan, Ejiptu ameasa baliza australianu dala barak; tentativa ida ne’ebé notavel maka suta ida hosi Rami Rabia ne’ebé maka salva hosi guarda-rede australianu Patrick Beach.

Laiha golu seluk ne’ebé maka marka durante restu tempu regulamentu nian, hodi obriga jogu ba tempu adisionál. Iha primeiru períodu prolongamentu nian, Ejiptu hetan tan oportunidade ida liuhosi remate ida hosi Mohamed Salah, maibé bola la konsege hetan alvu.

Bainhira jogu tama iha períodu daruak hosi tempu adisionál, ekipa rua lansa atake oioin hasoru sira nia adversáriu nia defeza, maibé laiha golu seluk ne’ebé maka marka, signifika katak manan-na’in tenke deside liuhosi penalti.

Iha Jornada 16, Ejiptu sei hasoru vensedór hosi jogu Jornada 32 entre Arjentina no Cabo Verde iha Estádiu Mercedes-Benz, Atlanta, iha tersa (07/07/2026).

Jornalista: David Gonçalves/Editór: Vito Salvadór