Díli Internasionál Maratona Bele Inspira Sosiedade Sira Halo Ezérsisiu Forte Liután

Díli Internasionál Maratona 2026.

Díli, 08 Agostu 2026 (RAFA)- Prezidente Repúblika (PR), José Ramos-Horta, informa konkluzaun husi eventu Dili Internasionál Maratona (DIM) bele inspira sosiedade Timoroan sira atu halo ezersisiu forte liután hodi fó benefisiu ba saúde.

Prezidente Repúblika hatete asuntu ba jornalista sira iha Sábadu-ne’e, bainhira partisipa direta iha eventu Díli Internasionál Maratona (DIM) 2026 iha Palásiu Prezidensiál ne’ebé organiza husi Presidénsia Repúblika, Governu no mós parseiru sira balu.

“Ba ha’u konkluzaun rua ka tolu, ida ita halo maratona programa sira seluk neʼebé desportu nian ne’e hanesan atu haré inspirasaun ba sosiedade tomak para buka halo ezérsisiu  loro-loron. Ha’u husu ba hotu-hotu tenke la’o pelemenus ba sira ne’ebé mak idade 50 ba leten loro-loron la’o karik 30 minutu di’ak ona ba saúde. Joven sira bele halo desportu oin-oin halai oras ida rua ne’ebé Timoroan tomak buka halo desportu,” Xefe Estadu hateten.

José Ramos-Horta hatutan mensajen seluk husi Díli Internasionál Maratona atu fó hanoin mós sosiedade sira fó protesaun ba ai-laran, labele tesi ai arbiru, liuliu labele sunu ai-laran iha tempu bailoron, tanba bele fó impaktu ba lakon floresta no bee-matan sira sei maran.

Prezidente Repúblika mós husu atu sidadaun sira labele oho balada sira hanesan laku, kuda, meda no manufuik sira hanesan kakatua. Tanba mensajen importante husi eventu ne’e mak hadomi rai laran, ai-laran no hadomi balada fuik.

Jornalista : Zita Menezes