Crazy Horse F.C Konsidera Prezensa Jogadór Estranjeiru Na’in-Tolu iha Kampu Sei Hasa’e Liután Kualidade Liga

Treinadór Crazy Horse, Deomantino Soares.

Díli, 27 Agostu 2026 (RAFA)- Klubu promovidu primeira divizaun Crazy Horse F.C konsidera regras foun Asosiasaun Futsal Timor-Leste (AFTL) ne’ebé permite jogadór estranjeiru na’in-tolu iha kampu laran sei hasa’e liután kualidade Liga Futsal Timor-Leste.

Iha semana hirak liubá, klubu hotu halo diskusaun ona ho parte AFTL kona-bá regra foun jogadór estranjeiru nain tolu ne’ebé sei bele joga iha kampu laran klubu hotu tenke respeita regra ne’e, no tenke prontu atu halo adaptasaun tuir desizaun ne’ebé AFTL determina.

“Liga futsal ne’e foun, uainhira ita bolu ema estranjeiru mai ne’e hanesan ita hasae ita nia kualidade Liga ne’e rasik se lae Liga mak pemain lokal de’it ne’e ita hatene katak klubu ida ne’ebe mak juara ne’e iha ona Bainhira jogadór estranjeiru mak mai entaun ne’e klubu barak hanesan BAS husi Baucau mai ho jogadór Indonesia ne’e hanesan fo tantangan foun ba klubu tuan sira hanesan Mushila F.C Ramelau no Mauputar rasik ne’ebé mai ha’u ida ne’e di’ak liu tan,” treinadór Crazy Horse Diamantino Soares ba RAFA iha kampu futsal Delta III, Díli, Kuarta-ne’e.

Treinadór ne´e hatutan, atu halo Liga Futsal sai atrativu liután, prezensa jogadór estranjeiru bele ajuda hasa’e ritmu no nivel kompetisaun. Tanba númeru jogadór lokal ne’ebé kompetente sei menus, jogadór husi li’ur bele sai alternativa atu hasa’e kualidade Liga.

“Para halo Liga ne’e sai furak liután. Se lae, ita hatene katak klubu ida ka rua mak maka’ás liu, seluk ladun tanba jogadór lokal ba futsal sei menus tebes. Se klubu di’ak foti hotu, ita labele halo buat ida, entaun di’ak liu mak bolu jogadór husi li’ur mai, ida-ne’e sei hasa’e liután ritmu no sei hafurak liután kompestisaun liga ne’e rasik,” Nia konklui.

Jornalista: Davilio Valdamir