Desporto

Coelho F.C Susesu Halakon Crazy Horse F.C Score Fantástiku 10-3

todayOctober 17, 2026 41

Background
share close

Díli, 17 Outubru 2026 (RAFA)- Coelho F.C konsege halakon Crazy Horse FC ,  ho score  fantástiku 10-3  iha jogu kontinuasaun Liga Futsal Futsál Timor-Leste  Primeira Divisaun.

Duelo entre ekipa rua hala’o iha Kampu Futsal Kuartel Jenerál  FALINTIL-Forsa Defeza Timor-Leste  Díli, Sesta ne’e, iha inisiu jogu Coelho FC tun kedas ho ambisaun bo’ot.

Crazy Horse F.C, tenta fó presaun ba atu marka golu, maibé la konsege tanba defeza husi Coelho F.C la fó fatin.

Jogu kontiua manas. Coelho F.C muda tátika jogu, konsege fura uluk golu rua ba adversáriu Crazy Horse F.C,  liu-husi jogadór Aristides Pires iha minutu tolu ho minutu haat, hodi muda kuadru score ba 2-0.

Crazy Horse F.C, tenta fó presaun bo’ot ba Coelho F.C, atu buka golu, liu  husi kontra no atake, maibé difisil tebes hodi kontrola bola ho di’ak.

Oportunidade di’ak ba Coelho F.C, marka tan golu tolu iha minutu 12 ho minutu 14 ,liu-husi jogadór Hilario Ximenes hodi halo score sai ba 4 -0 .

Crazy Horse F.C, koko muda estratejia jogu no tenta atu hamihis score, maibé jogadór sira falla domina meiu kampu. Sorte di’ak ba Coelho F.C , aumenta tan golu ida iha minutu 15, hodi halo score sai ba 5-0.

Taka jogu primeira parte ,Crazy Horse F.C, la lakon esperitu no vontade jogu, liu-husi fó presaun marka kedas golu ida iha minutu 18  liu-husi jogadór Izais Verdial , hodi muda kuadru score sai ba 5- 1, to’o jogu primeira parte skor nafatin 5 -1.

Kontinua ba jogu segunda parte tensi jogu komesa manas liu tan ba ekipa rua ne’e hodi lansa kontra no atake ba malu ho ritmu ida-idak nian.

Coelho F.C aumenta tan golu rua liu husi jogadór Hilario Ximenes iha minutu 22 no minitu 25 , hodi muda kuadru score sai ba 7 -1.

Crazy Horse F.C, koko halo mudansa ba jogadór no fó duni rezultadu marka tan golu rua ba Coelho F.C  ne’ebé lidera  liu-husi jogadór Zenio de Sousa  iha minutu 27  no Dion Alves iha minutu 29 , hodi muda kuadru score sai ba 7 -3.

Coelho F.C aproveita tempu ikus lansa tan golu tolu tuituir malu iha  minutu 35, husi jogadór Hilario Ximenes , Idris Muhammad iha minutu 35  ho minutu 36.

Hodi save vitoria ba Coelho F.C, lidera score sai ba  10-3   mantein to’o termina jogu Segunda parte remata.

Jornalista: David Gonçalves

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!