Desporto

Baucau Susesu Halakon Aileu ho Score Fantástiku 10-2

todayNovember 20, 2026 16

Background
share close

Díli, 20 Novembru 2026 (RAFA) – Iha jogu kontinuasaun Festivál Nasionál Desportu (FND) 2026, ekipa Baucau susesu halakon Aileu ho score  fantástiku 10 -2.

Jogu ne’ebé hala’o iha kampu futsal F-FDTL iha Dili, Kinta-ne’e,  ekipa Baucau ne’ebé mai ho ambisaun boot lidera uluk golu lima tuituir malu ba nia adversariu Aileu liuhusi jogadór númeru kamizola 12   iha minutu rua, minutu neen, minutu hitu, minutu ualu no  iha minutu 10, hodi muda score sai ba 5 -0.

Ho golu ne’e ekipa Aileu koko muda estratejia jogu tenta atu hamihis score maibé difisil tebes tanba ladun domina bola nue’e rezultadu score ne’e mantein to’o termina jogu primeira parte remata.

Kontinua ba jogu segunda parte adversariu ekipa Baucau hasa’e liu tan sira nia intensidade jogu aas liu tan hodi haboot  sira nia score ho golu haat tutuir malu  ba ekipa Aileu liuhusi jogadór númeru kamizola tolu iha minutu 23, númeru kamizola 12  minutu 27, númeru kamizola hitu  minutu 28 no númeru kamizola neen  iha minutu 31 muda score ba 9-0.

Liu deit minutu balun, ekipa Aileu tenta halo presaun ne’ebé maka’ás ba ekipa Baucau hodi konsege hatama golu ba guarda liu husi jogadór númeru kamizola haat iha minutu 34 hodi muda score ba 9 -1.

Ekipa Baucau  halo kontra no atake ba ekipa Aileu  no tama ba iha minutu 37  jogadór númeru kamizola 4 marka tan golu ida hodi muda score sai ba 10-1 .

Rezultadu ne’e lori ekipa Aileu aproveita tempu ho vantajen jogu ho asaun lais liu no konsege  aumenta tan golu ida ba ekipa Baucau liuhusi jogadór númeru kamizola rua iha minutu 39  muda score ba 10-2 mantein to’o termina jogu segunda parte remata.

Jornalista : David Gonçalves

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!