play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Batchye Marçal Prontu Kompete iha Off-Road Internasionál 2026

todaySeptember 11, 2026 57

Background
share close

off-roader Batchye Marçal.

Díli, 11 Setembru 2026 (RAFA)–Off-Roader Femenina Batchye Marçal husi klubu Kablaki ne’ebé reprezenta Munisípiu Manufahi, prontu kompete iha eventu internasionál Off-Road 2026.

Kompetisaun off-Road sei hahú abertura iha  loron 12  fulan-Setembru ne’e iha arena Kristu Rei, Díli.

Off-roader femenina, Batchye Marçal, Sesta-ne’e ba RAFA  hateten molok partisipa iha eventu  ne’e nia parte halo kedas preparasaun dezde inisiu fulan-haat  nia laran, no foku liu-liubá iha kapasidade mentalidade fiziku nian.

“Eventu ida ne’e mós iha kompetisaun ho off-roader internasional sira husi  Nusa Tenggara Timur  (NTT)-Indonézia,  ha’u  mós prepara la’os iha fiziku, maibé iha mental oinsa atu bele kompete ho sira husi internasionál,” hateten Batchye Marçal, iha  Dili, Kinta ne’e.

Nia parte prontu nafatin atu hatudu nia talentu ne’ebe iha, hodi kompete ho feto maluk sira husi internasionál.

Hatán ba pergunta prontu ka lae?, ho oin hamnasa nia dehan sempre  prontu atu kompete ho off-roader husi internsionál  sira.

Nia mós reloñese, maske off-roader feto iha Timor-Leste minimu liu, maibé nia rasik sei esforsa aan ho esperiénsia ne’ebé nia iha, nune’e bele  motiva diak liután  feto  maluk timor-oan sira ne’ebé iha talenta kona ba off-road.

Ho kompetisaun ida ne’e nia iha esperansa tebes ba oin  nafatin kria kompetisaun barak liu  tan, atu nune’e bele feto seluk bele partisipa eventu off-road.

Off-Roader femenina ne’e husu ba feto maluk sira ne’ebé envolve aan ona iha off-road, atu  labele lakon esperansa hodi kontinua hatudu talenta ne’ebe sira iha no lori  ba mundu.

“Ha’u nia mensajen atu  feto sira hotu, iha timor  laran labele tauk, atu hatudu nafatin  talentu ba mundu,” Batchye Marçal afirma.

Kompetisaun off-roader feto Batchye Marçal, husi  klubu  off-roader Kablaki  sei  kompete iha kategoria  klasse FFA ho feto maluk sira husi NTT ho durasaun  durante loron rua, hahú husi loron 12 to’o  loron 13 fulan-Setembru ne’e.

Jornalista :David Gonçalves/Marito da Costa

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!