Desporto

Bandidu Qualidade Konkista Vitória Dahuluk iha Liga Voleibol Timor-Leste

todayOctober 20, 2026 18

Background
share close

Díli, 20 Outubru 2026 (RAFA)- Ekipa voleibol mane Bandidu Qualidade konkista vitória dahuluk iha Liga Voleibol Timor-Leste priemeira divizaun hafoin halakon nia ekipa adversáriu K-Link ho set 3-0.

Jogu kontinuasaun Liga Voleibol Timor-Leste primeira divizaun jornada da ruak entre ekipa Bandidu Qualidade kontra K-Link ne’e hala’o iha Jináziu Desportu Díli (GDD), Segunda-ne’e,  ekipa rua hatudu jogu ne’ebé atrativu.

Ekipa Bandidu Qualidade ne’ebé hatudu organizasaun di’ak konsege manan set dahuluk ho pontu boot liu 25-10.

Derrota ho pontu dook iha set dahuluk, ekipa K-Link tenta esforsu maka’ás hodi bele hadi’a rezulatadu iha set daruak no esforsu ne’e konsege lori ekipa K-Link hadau pontu, maibé ekipa Bandidu Qualidade kontinua solidu hodi manan set daruak ho pontu 25-17.

Tama ba set da toluk ne’ebé nuudar determinasaun ba vitória ekipa Bandidu Qualidade nian jogu ne’e sai manas liután ba ekipa rua ne’e hodi lansa presaun no tekniku idaidak nian no ekipa Bandidu Qualidade ne’ebé rejistensia di’ak iha blokeia no presaun di’ak konsege manán set da toluk ho pontu mihis 25-21.

Rezulatadu ne’e lori ekipa Bandidu Qualidade rekolla vitória dahuluk ne’ebé antes ne’e derota ho AD SLB.

Jornalista: Davilio Valdamir

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!