Atleta Tenis Sei Partisipa Asian Para Games iha Japaun

Atleta Paralimlico husi modalidade Para Table Tenis Timor-Leste prepradu partisipa iha eventu Asian Para Games ne’ebe sei realiza iha Japaun.

Díli, 13 Agostu 2026 (RAFA) -Atleta Paralimlico husi modalidade Para Table Tenis Timor-Leste prepradu partisipa iha eventu Asian Para Games ne’ebe sei realiza iha Japaun.

Iha preprasaun fizika ba  atleta tenis na’in-haat ne’ebé sei reprezenta Timor-Leste iha Asian Para Games ne’e hetan akompañamentu husi  treinadór na’in-rua ho ofisiál na’in-rua  hahú halo ona konsentrasaun iha Otél Vila Verde durante fulan-ida husi loron 12 fulan-Agustu to’o 12 fulan-Outubru, tinan ne’e.

Liu hosi serimónia lansamentu konsentrasaun ba preparasaun atleta Nasionál Paralimlico Asian Para Games ba dala-lima, atleta modalidade Para Table Tenis, Abelita Borges Fernandes Soares hato’o razaun katak konsentrasaun preparasaun ba eventu Internasionál Asian Para Games ne’ebe hala’o iha AICHI Nagoya-Japaun, fulan-Outubru, tinan ne’e, Governu halo konsentrasaun preparasaun ba iha Traning Center ho durasaun minimu liu kompara ho nasaun sira seluk.

Nia parte seidauk garante atu rekolla medalla mai  Timor -Leste tanba kondisaun ne’ebe Governu prepara ba  sira ladun másimu  no haré mós ba tempu  iha eventu Asian Para Games besik ona.

“Ha’u bele prepara treinu ho másimu, ha’u espera Timor-Leste bele hetan medalia, maske preprasaun tempu limitadu  la garantia ida ne’e. Maibe, ha’u ba ho esforsu  karik ho Maromak  Nia grasa, ha’u hetan medalia,’’  Atelta Abelita Borges Fernandes Soares hateten iha salaun enkontru CDTL, Díli.

Nia sujere ba Governu  molok ezizi atleta sira atu rekolla  medalia ruma mai Timor-Leste presiza tau atensaun no  halo preparasaun ida ho durasaun fulan hitu ba leten, atu nune’e, atleta sira bele hatudu  prestasaun di’ak iha eventu mundiál no rejionál sira.

Haré ba tempu ne’ebe minimu atleta tenis ne’e fó hanoin ba Governu presiza tau atensaun masimu ba atleta bainhira hakarak atleta sira lori medalia no tau prioridade ba sira iha TC  durante fulan-neen to’o fulan-hitu.

Jornalita : David Gonçalves