play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Atleta Seniór Maratona Rosa Mota Vizita RAFA&NTV

todayAugust 7, 2026 132 8 5

Background
share close

Atleta seniór husi Portugal, Rosa Maria Correia dos Santos Mota, hasia imajen hamutuk ho ekipa RAFA&NTV, Sesta 7 Agostu 2026.

Díli, 07 Agostu 2026 (RAFA)–Atleta seniór husi Portugal, Rosa Maria Correia dos Santos Mota, Sesta-ne’e, hala’o vizita ba  estúdiu RAFA&NTV.

Iha nia vizita ne’e, Rosa Maria Correia dos Santos Mota simu diretamente ho ksolok husi família boot RAFA&NTV  hodi fó boas-vindas ho respeitu.

Durante vizita ne’e, jornalista seniór no editór RAFA&NTV,  António Sampaio akompaña atleta ne’e hodi haré fatin servisu sira iha RAFA&NTV, no esplika badak kona-bá mekanizmu servisu jornalista, ekipa produzaun no prosesu halo programa notísia. Nia introdús mós jornalista sira, ekipa produzaun no kolaboradór sura hotu  iha orgáun komunikasaun ETO-Telco (RAFA&NTV) ba Rosa Maria Correia dos Santos Mota.

Hafoin remata vizita ba redasaun RAFA&NTV, António Sampaio halo entrevista eskluzivu ho Rosa Maria Correia dos Santos Mota ho durasaun tempu minutu 20 nia laran  liga ho preparasaun no importánsia Dili International Marathon 2026, ne’ebé sai eventu internasionál boot ida ba Timor-Leste.

Rosa Maria Correia dos Santos Mota hateten katak Dili International Marathon 2026 sei kontribui boot ba promosaun atletismu nasionál, hasa’e interese juventude sira atu partisipa iha desportu no introdús Timor-Leste ba komunidade internasionál liu husi eventu desportivu ho padraun internasionál.

Hafoin entrevista ne’e, Rosa Maria Correia dos Santos Mota koloka tempu hasai fotografia hamutuk ho ekipa tomak RAFA&NTV hanesan lembransa ba vizita ida-ne’e.

Jornalista: Davilio Valdamir

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!