play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

AS Ponta Leste Hetan Pontu Ida Hafoin Empata 1-1 ho Vila Ataúro F.C

todayJune 8, 2026 16

Background
share close

Jogu entre ekipa Vila Atáuro F.C ho AS Ponta Leste iha Estádiu Munisipál Díli, Domingu 7 Juñu 2026.

Díli, 08 Juñu 2026 (RAFA.TL)– As Ponta Leste hetan pontu ida hafoin empata 1-1 ho Vila Ataúro F.C iha jogu kontinuasaun Liga Timorense segunda divizaun grupu A.

Duelo entre ekipa rua ne’e hala’o iha Estádiu Munisipál Díli, Domingu (07/06/2026), ekipa Vila Ataúro F.C konsege domina liu bola no produs golu lais liu hosi asaun Narasio Sarmento hodi muda kedas score sai 1-0.

Avansadu ho númeru kamizola 21 ne’e marka golu hafoin simu asisténsia bola pasazen di’ak hosi nia kompatriota Yosmus Dudai.

Ho golu refere ekipa Vila Ataúro F.C ne’ebé haforsa hosi jogadór estránjeiru na’in-tolu hanesan Yosmus Dudai, Andrias Kayoi no Nando Tebai,  domina liután jogu hodi lansa kontra atake fila-fila ba rede ekipa AS Ponta Leste, maibé failla iha finalizasaun.

Atake ne´ebé lansa hosi ekipa AS Ponta Leste, parte  guarda defensivu hosi hosi Vila Ataúro F.C mantein solidu hodi la fó fatin ba ekipa Ponta Leste atu maraka golu. Nune’e to’o termina jogu priemeira parte score mantein 1-0 lidera hosi Vila Ataúro F.C.

Kontinua ba jogu Segunda parte, ekipa Vila Ataúro F.C mantein lansa atake ba AS Ponta Leste ho tensi aas hodi buka oportundade atu produs tan golu, maibé tentativa oioin ne’ebé lansa hosi ekipa Vila Atáuro F.C seidauk kona iha alvu.

Tama ba iha minutu 60, ekipa ekipa AS Ponta Leste halo mudansa ba tátika liu hosi substituisaun jogadór Manuel Cristo ho Dilvio dos Santos.

Mudansa ne’e fó rezultadu pozitivu iha minutu 78, Alberto Soares  produs golu hodi hatuur score sai 1-1. Avansadu ho númeru kamizola 23 ne’e marka golu hafoin simu asisténsia bola kruza hosi nia kompatriota Delvio dos Santos iha liña karuk.

Ho score refere jogu sai manas liu tan ba ekipa rua ne’e hodi lansa kontra atake ba malu ho intensiddade aas, maibé to’o termina jogu segunda parte score mantein 1-1.

Hosi rezulatadu empata ne’e hatuur metin ekipa Vila Ataúro F.C iha zona degradasaun ho pontu ida hosi jogu tolu; empata ida no derrota dala-rua.

AS Ponta Leste mantein iha pozisaun da-haat ho pontu rua hosi jogu dala-haat ho nia rezultadu derrota rua no empata rua.

Jornalista: Davilio Valdamir/Editór: Vito Salvadór

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!