Desporto

Andriansyah Augustin Lori Mushila F.C Halakon São Francisco Xavier 4-2

todayNovember 11, 2026 16

Background
share close

Díli, 11 Novembru 2026 (RAFA)- Eis jogador Coelho F.C Andriansyah Augustin, ne’ebé hahú ninia aventura foun nu’udar treinador Mushila F.C, hahú debuta ho rezultadu pozitivu hafoin Mushila F.C susesu hatudu rezultadu pozitivu no manan São Francisco Xavier ho score 4-2, iha jogu kontinuasaun Liga Futsal Timor-Leste Primeira Divizaun.

Ekipa Mushila F.C.

Jogu jornada da-ualu entre ekipa Mushila F.C no São Francisco Xavier ne’ebé hala’o iha kampu futsal F-FDTL iha Díli, Tersa-ne’e, iha inisiu jogu ekipa rua hatudu jogu kompetetivu hodi atrai adeptus futsal mania sira ne’ebe asiste direta jogu refere.

Mushila F.C ne’ebé komanda hosi treinador Adom koonsege dimina liu bola iha jogu refere ho nunee tama ba iha minutu sia Evinho  Soares susesu lori ekipa Mushila F.C lidera uluk ho score 1-0.

Ho score refere tensi jogu komesa manas ba ekipa rua  ne’e hodi lansa kontra atake ba malu no tama ba iha minutu 12 Evinho  Soares kontinua hatudu nia kroat hodi marka tan nia naran hodi lori nia ekipa lidera ho score 2-0  no score refere matein too termina jogu primeira parte.

Kontinua ba jogu segunda parte tensi jogu komesa manas liu tan no tam aba iha minutu 29 Evinho  Soares kompleta nia hatrick hodi lori nia ekipa lidera ho score 3-0

Liu deit minutu ida Rivaldo Faria susesu fura tan rede Sao Francisco Xavier hodi muda aumenta score sai 4-0.

Sofre ona golu haat, São Francisco Xavier la desiste no tama ba iha minutu 33 Sao Francisco Xavier konsege hamihis score sai 4-1 liu husi jogador Lourenco Guterres.

Tama ba iha minutu 38, Lourenço Guterres susesu fura tan rede Mushila F.C hodi hamihis liu tan score sai 4-2 no score refere mantein too termina jogu Segunda parte vitoria ba Mushila F.C

Jornalista: Davilio Valdamir/Nelson Dias

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!