play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

AFTL Planeia Implemeta Liga Futsal Feminina iha 2027

todayJune 15, 2026 38

Background
share close

Prezidente Asosiasaun Futsal Timor-Leste, Antoninho Junior Guterres.

Díli, 15 Juñu 2026 (RAFA.TL)- Prezidente Asosiasaun Futsal Timor-Leste (AFTL), Antoninho Junior Guterres, informa órgaun asosiasaun Futsal tau ona iha planu no kalendáriu anuál atu hahú implementa liga Futsal Timor-Leste feminina iha tinan 2027.

Intensaun husi liga futsal femimina ne’e hodi hasa’e kapasidade feto no prepara atleta ho prestasaun di’ak no kualidade ba selesaun Futsal feto iha futuru.

Bainhira partisipa jogu enseramentu Kopa Asosiasaun Futsal Timor-Leste (AFTL) 2026 iha kampu  Futsal FALINTIL- Forsa Defeza Timor-Leste (F-FDTL), Domingu (14/06/2026), Prezidente AFTL, Antoninho Junior Guterres, konfirma katak dadaun ne’e sira-nia parte halo ona komunikasaun ho sekretariu jerál Asosiasaun Futsal Timor-Leste nian hodi tau hanoin hamutuk molok realiza atividade kompetisaun liga futsal feminina iha tinan oin.

“Liga feto, ami ko’alia ona ho sekretariu jerál katak ami nia planu ba tinan oin,” Prezidente AFTL, Antoninho Junior Guterres informa.

Prezidente Ezekutivu Asosiasaun Futsal ne’e hateten hahú semana oin estrutura no ezekutivu sira AFTL komesa tuur hamutuk atu halo planu ba iha liga  no asosiasaun iha kompromisu katak liga sei hahú iha fulan-Jullu nia laran tanba liga la’o ne’e iha fulan-haat ka lima nia laran no tenki termina iha fulan-Dezembru.

Lideransa AFTL  ne’e  hatutan kona-bá orariu atu halo liga futsal feminina iha tinan oin seidauk serteza lolos tanba seidauk iha desizaun final tanba sei iha hela prosesu atu tama ba halo diskusaun nian.

“Liga feto ha’u seidauk hatene, ha´u seidauk iha hanoin ruma kona-ba ida ne’e, depois ita loke tok ba no sira mai rejistu mak ita haré, depois mak ita deside,” nia hateten.

Jogu Kopa Futsal Timor-Leste tinan 2026 partisupa husi klubu Futsal hamutuk 24 husi Primeira no segunda Divizaun, exepsu Samoro F.C mak la partisipa tanba iha problema internal klubu nian no Asosiasaun mós simu karta justifikasaun ofisál husi Klubu no hein sira nia partisipasaun iha Liga ne’ebé Asosiasaun planeia ona ba fulan-Jullu, tinan ne´e.

Jornalista: David Gonçalves/Editór: Vito Salvadór

 

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!