Desporto

AFTL Estende Janela Transferénsia Ba Klubu Primeira Divizaun

todayNovember 5, 2026 266 7

Background
share close

Díli, 05 Novembru 2026 (RAFA) – Asosiasaun Futsal Timor-Leste (AFTL) deside atu estende janela transferénsia Liga Futsal Timor-Leste Primeira Divizaun, hodi fó biban ba klubu sira halo transferensia no ajusta ho adminstrasaun jogador sira nian no lori ba rejistu iha órgaun liga tuir propsedimentu legál ne´ebé iha.

Prezidente AFTL, Antoninho Junior Guterres Ximenes, desizaun ne’e foti tanba durante feriadu naruk husi loron 31 fulan-Outubru to’o loron 03 fulan-Novembru, klubu partisipante barak la konsege halibur sira-nia jogadór atu halo prosesu rejistu no transferénsia.

“Janela transferénsia uluk loke husi loron 23 fulan-Outubru to’o loron 03 fulan-Novembru, maibé tanba iha feriadu naruk klubu sira barak la konsege halibur sira-nia jogador atu halo prosesu transferénsia. Tanba ne’e, ohin loron 04 fulan-Novembru foin atividade hahú fila-fali, AFTL hamutuk ho komisaun deside atu muda janela transferénsia ba to’o loron 07 fulan-Novembru,” Prezidente AFTL, Antoninho Junior Guterres Ximenes informa ba Jornalista sira iha Díli, Kuarta-ne’e

AFTL konsidera mós situasaun kompetisaun Segunda Divizaun ne’ebé sei remata iha loron 06 fulan-Novembru. Ho oportunidade ne’e, klubu Primeira Divizaun sira bele haree no avalia jogador potensial husi Segunda Divizaun ne’ebé hatudu kapasidade di’ak durante kompetisaun.

Tanba ne’e, jogadór sira ne’ebé klubu Primeira Divizaun hakarak kontrata bele halo prosesu rejistu depois kompetisaun Segunda Divizaun remata, inklui iha loron 07 Novembru, antes janela transferénsia taka.

Nia haktuir, desizaun atu loke janela transferénsia ne’e mos bazeia ba ezijénsia husi klubu partisipante sira, ne’ebé husu oportunidade atu halo mudansa no aumenta kualidade jogadór sira hodi kontinua kompetisaun.

Liga Futsal Timor-Leste  atualmente lidera husi klubu Mauputar F.C ho pontu 19 husi jogu hitu manan neen no empata ida

Liga Futsal Timor-Leste rasik partisipa husi klubu 14 mak hanesan Mauputar FC, F.C Coelho, Kuda Ulun F.C, Caesar Dante F.C, Maudoko F.C, AD Estrela Baguia, Sao Francisco Xavier, AD BAS, B’tal F.C, Mushila FC, Crazy Horse, AS Jerman, Ramelau FC No Saralima F.C.

 Jornalista: Davilio Valdamir/ Marito Da Costa

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!