Desporto

AD.SLB Laulara Planu Rekruta Jogadór Estranjeiru Na’in-Haat iha Kompetisaun Liga Timor-Leste Époka 2026-2027

todayNovember 7, 2026 13

Background
share close

Díli, 07 Novembru 2026 (RAFA) – Klubu AD.SLB Laulara planu rekruta jogador husi estranjeiru na’in-haat atu partisipa jogu kompetisaun  Liga  Futébol Timor- Leste (LFTL) époka 2026 -2027 ne’ebé tuir orariu komesa kick-off iha loron 2 fulan-Dezembru ne’e.

“Ba SLB mantein ho jogadór ne’ebé foin lalais sai kampiaun no ami sei tenta ba haree jogador estranjeiru na’in-ha’at  atu mai reforsa,” Sekrétariu Jerál  Ad.SLB Laulara, Domingos dos Santos Caeiro, inform aba RAFA iha Díli, Sesta-ne’e.

Ezekutivu klubu estimadu Makikit Lauyara ne’e mós hatutan sira-nia parte seidauk garante másimu atu partisipa iha atividade jogu kompetisaun   ne’ebé  hatur ona iha  oráriu tentativa. Tanba, kuaze klubu barak maka seidauk preparadu ho razaun seidauk hetan informasaun serteza kona -ba finansiamentu ne’ebé atu aloka ba klubu sira ne’ebé iha inisiativa atu partisipa.

“Se atu realiza tuir sira nia data tentativa hanoin kusta uitoan. Tanba, klubu hotu-hotu seidauk preparadu no seidauk iha informasaun klaru kona-ba orsamentu ne’ebé atu aloka ba klubu sira ida ne’e hau hanoin todan uitoan,’’ Domingos dos Santos Caeiro subliña.

Nia husu mós ba órgaun liga atu tetu didi’ak kona -bá oinsá atu asesu fasilidade liu-liu kona- bá kampu ne’ebé atu utiliza ba jogu kompetisaun. Tanba, kampu Estádiu Munisipál  Díli  dadaun ne’e  prosesu tenderizasaun la’o hela atu halo konstrusaun iha fulan ne’e hanesan stádio Manatuto, Maliana,  Gleno no Baucau dook uitoan. Tanba, bele prezudika mós jogadores atu hatudu kualidade la ho di’ak

“Ita hotu hatene  prosesu tenderizasaun ba kampu stádio munisipal dili mós agora iha hela hein  hela FIFA , atu fó notifika mai katak se laiha ona objesaun Kerzer katak hahú Novembru ne’e ita kompañia komesa book ona stadio ne’e,” tenik Sekrétariu Jerál  AD.SLB Laulara ne’e.

Nia fó hanoin  ba órgaun liga tenke haree didi’ak molok realiza liga ne’e iha Manatuto, Maliana, Gleno  ka iha Baucau kerzer  presiza haré nia orsamentu tenke tetu buat sira ne’e, tanba klubu sira sei dada iss dader sa’e ba lorokraik joga fila kedas ida ne’e afeita ba ninia kualidade jogu  ida ne’e mak klubu hotu inklui SLB ninia preokupasaun.

Iha fulan-Setembru liubá órgaun liga rasik kria ona enkontru ho Prezidente klubu ho reprezentante klubu sira hodi tau ideia hamutuk antes partisipa jogu kompetisaun iha fulan-Dezembru, tinan ne’e.

Jornalista: David Gonçalves

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!