play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

AD Santu António Halakon Nia Adversáriu F.C Vila Ataúro ho Score 1-0

todayJune 1, 2026 38 1

Background
share close

Ekipa AD Santu Antonio.

Díli, 01 Juñu 2026 (RAFA.TL)– Ekipa Polísia Nasionál Timor-Leste (PNTL), AD Santu António susesu halakon nia adversáriu F.C Vila Ataúro ho score 1-0 iha jogu kontinuasaun Liga Timorense époka 2026, iha Estádiu Munisipál Díli, Domingu (31/05/2026).

Ekipa AD Santu António ne’ebé maioria reforsa husi jogadór selesaun nasionál no mós membru PNTL sira ne’e halo jogu ida atrativu no agresivu desde minutu dahuluk jogu hodi fó presaun ba F.C Vila Ataúro.

Ekipa AD Santu António halo jogu ida ho intesidade as hodi lansa presaun ba F.C Vila Ataúro, maibé baliza adverse sei antesipa ho di’ak no halo balansu ba AD Santu António nia atake sira.

Tama ba minutu 35, ekipa AD Santu António konsege marka golu ida liu husi jogadór Silveiro Garcia hodi muda score ba 1-0. Husi golu ne’e halo AD Santu António iha zona seguru no hasae liután jogu ho tempu ne’ebé masimu, maibé F.C Vila Ataúro kontinua halo balansu ba jogu iha linã klaran hodi lansa mós kontra atake, mézmu sei falla iha finalizasaun nune’e too jogu primeira parte termina AD Santu António mantein lidera ho score 1-0.

Tama ba Segunda parte, AD Santu António hasa’e liután sira-nia ritmu jogu ho ambisaun hakarak aumenta tan golu.

Ekipa F.C Vila Ataúro mós komesa hetan ritmu jogu no halo presaun ida maka’ás ba AD Santo Antoni nune’e ekipa rua iha oportunidade hanesan atu marka golu maibé sei nafatin falla.

F.C Vila Ataúro kontinua hadi’a jogu ho substituisaun jogadór ne’ebé iha maibé nafatin falla atu marka golu hodi muda score iha tabela.

Ekipa AD Santu António mantein ho ritmu jogu ne’ebé iha no hetan oportunidade atu marka golu barak liutan, maibé kontinua falla. AD Santu António no F.C Vila Ataúro iha oportunida maibé sei falla iha ezekusaun no too jogu termina ekipa AD Santu António mantein lidera ho score 1-0 hodi rekolla pontu tolu iha nia jogu dahuluk iha liga Timorense Époka 2026.

Ho vitória ne’e ekipa AD Santu António rekolla pontu tolu husi jogu ida no F.C Vila Ataúro mantein iha zona mean ho ponstu zero iha Grupu A.

Tuir oráriu jogu Liga Timorense iha segunda Divizaun, Tersa (02/062026), grupu A, ekipa AD Santu António sei hasoru AS Ponta Leste no grupu B  Weasel F.C sei kontra Hibers Díli F.C iha estádiu Munisipál Díli.

Jornalista: Marito da Costa/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!