Ouvir RAFA Ritmo, Voz e Coração de Timor
Díli, 7 Novembru 2026 (RAFA) – Ekipa promovidu AD Santo António, rekruta ona jogador estranjeiru na’in-haat, kompostu husi na’in-rua husi Brasil no na’in-rua seluk husi Indonézia atu mantein pozisaun iha Primeira Divizaun ba kompetisaun Liga Futebol Timor-Leste (LFTL) époka 2026-2027.
Treinadór ekipa AD Santo António, Eduardo Pereira, ba RAFA iha Díli, Sesta-ne’e, hateten liga époka ne’e, ekipa reforsa plantel ho jogador estranjeiru na’in-haat, mak hanesan Fabio Cristian, Bernardo, Rizky Juang Pratama no Khoirul Anwar Bai.
“Jogador lokal sei nafatin mantein husi inisiu sigundu divizaun nian, iha mak jogador estranjeiru n’ain-haat,” Eduardo Pereira hateten.
Treinadór AD Santo António ne’e hatutan, sira-nia klubu la tau alvu espesífiku ba kompetisaun époka ne’e, maibé objetivu prinsipál mak atu defende pozisaun no mantein nafatin iha Primeira Divizaun. Maski nune’e, se iha oportunidade, ekipa mós iha ambisaun atu luta sai kampiaun.
Nia afirma espesialmente sira la iha terjetu, maibe oinsa atu defende hodi mantein iha primeiru divizaun, karik iha oportunidade, jogador sira hakarak sai kampiaun fila fali ba jogador sira, liu husi treinu ho disiplina, unidade iha treinu no iha jogu saida mak sira hakarak bele atinji.
Ekipa AD Santo António mós halo ona preparasaun liu husi treinamentu kuaze fulan rua. Preparasaun ne’e foka liu ba hadi’a kondisaun fízika, aumenta stamina no hametin aspetu tátika jogador sira. Hodi prepara an ho di’ak atu hasoru kompetisaun iha Primeira Divizaun LFTL.
Jornalista: Marito da Costa
Written by: RafaFM
AD Santo António ho Jogador Estranjeiru Na’in-Haat Mantein iha Primeira Divizaun LFTL
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt